لاہور : ڈرامہ نگار خلیل الرحمان قمر کو جھانسہ دینے والی ملزمہ آمنہ عروج کا بیان سامنے آگیا۔
تفصیلات کے مطابق ڈرامہ نگار خلیل الرحمان قمر کو جھانسہ دینے والی ملزمہ آمنہ عروج نے ریکارڈ کرائے گئے بیان میں کہا کہ خلیل الرحمان سے10 سے 15 دن تک بات ہوئی، فون کے ذریعے ان سے چیٹ ہوئی اور تصاویر کا تبادلہ ہوا۔
ملزمہ کا کہنا تھا کہ ڈرامہ نگار نے ملنے کا کہا، تب میں نے گھر بلالیا۔
یاد رہے ڈرامہ نگار خلیل الرحمان کو اغوا کرنے والی خاتون کو گینگ سمیت گرفتار کیا گیا تھا ، ڈرامہ نگار نے بتایا تھا کہ وہ بیمار ہیں اور ڈاکٹر نے پانچ سال دھوپ میں نکلنے سے منع کیا ہے، اس لئے رات میں ملاقاتیں کرتا ہوں۔
ڈی آئی جی عمران کشور کا کہنا تھا کہ خلیل الرحمن قمر کا موبائل ڈیٹا ریکور کرنے کے بعد ملزم آمنہ عروج کو گرفتار کرکے اس کے ذریعے باقی ملزموں تک پہنچے، بلیک میلرگروہ میں دو خواتین بھی شامل ہیں۔
ذرائع کے مطابق ملزمہ گوجرانوالہ کی رہائشی اورہائی پروفائل افراد کو جھانسہ دیکر رقوم بٹورتی ہے۔