عمران خان کی خواہش ہے جانی نقصان ہو تاکہ وہ لاشوں کی سیاست کرے، خواجہ آصف

سیالکوٹ : وفاقی وزیر دفاع خواجہ آصف کا کہنا ہے کہ پولیس صبر سے کام لےرہی ہے تاکہ خدانخواستہ جانی نقصان نہ ہو لیکن عمران خان کی خواہش ہے جانی نقصان ہو تاکہ وہ لاشوں کی سیاست کرے۔

تفصیلات کے مطابق وفاقی وزیر دفاع خواجہ آصف نے سماجی رابطے کی ویب سائٹ ٹوئٹر پر اپنے بیان میں کہا کہ پولیس صبر سے کام لے رہی کہ خدانخواستہ جانی نقصان نہ ہوورنہ گرفتاری مشکل نہیں،عمران خان کی خواہش ہے جانی نقصان ہوتاکہ وہ لاشوں کی سیاست کرے۔

خواجہ آصف نے مزید لکھا ‘عزت آبرو والا شخص ہو تو جرات کرے باہر نکلے اور گرفتار ہو، ہمت اور دلیری نواز شریف سے ادھار مانگ لے جو لندن سے گرفتاری دینے آ گیا تھا۔’

پولیس صبر سے کام لے رہی کہ خدانخواستہ جانی نقصان نہ ھو ورنہ گرفتاری مشکل نہیں۔عمران خان کی خواہش ھے کہ جانی نقصان ھو تاکہ وہ لاشوں کی سیاست کرے۔عزت آبرو والا شخص ھو تو جرات کرے باہر نکلے اور گرفتار ھو۔ ھمت اور دلیری نواز شریف سے ادھار مانگ لے جو لندن سے گرفتار دینے آ گیا تھا

— Khawaja M. Asif (@KhawajaMAsif) March 15, 2023

دوسری جانب وزیر دفاع خواجہ آصف نے صنعت کاروں سے خطاب کرتے ہوئے کہا ملک سنگین معاشی صورتحال سے دوچار ہے، حکومت کو ان حالات کا ادراک ہے۔

خواجہ آصف کا کہنا تھا کہ آنے والے دنوں میں حالات بہتری کی طرف جائیں گے۔