لاہور : مسلم لیگ ن کے رہنما خواجہ عمران نذیر نے کہا عید الفطر کے بعد مسلم لیگ ن سرپرائز دےگی، جو چاہتے ہیں شریف فیملی میں لڑائی ہو ان کے منہ پر کل طمانچہ پڑے گا۔
تفصیلات کے مطابق مسلم لیگ ن کے رہنما خواجہ عمران نذیر نے میڈیا سے گفتگو میں کہا کارکنوں نے مطالبہ کیا نواز شریف کو جلوس میں لےجائیں گے، نواز شریف کرپشن پر نہیں بیانیے اور عوام کی حمایت پر سزا کاٹ رہے ہیں۔
خواجہ عمران نذیر کا کہنا تھا مشرف کو رعایت ملی نوازشریف کوبیماری کےباوجودجیل بھیجاجارہاہے، جولوگ بضد ہیں خود آنا چاہتے ہیں اظہار یکجہتی کے لئے وہ آجائیں، کارکنان کی ضدہےاحتجاج کرتےہوئےجیل تک چھوڑنے جائیں گے۔
کارکنان کی ضدہےاحتجاج کرتےہوئےجیل تک چھوڑنےجائیں گے
رہنمامسلم لیگ ن نے کہا حمزہ شہباز نے کہا ہے کارکن بضد ہیں، کارکنوں کواجازت دیدی گئی کل شام مختلف علاقوں سے جلوس نکلیں گے، کارکنان اورارکان اسمبلی کالی پٹیاں باندھیں گے۔
ان کا کہنا تھا فیصلے پرتحفظات ہیں لیکن رات 12بجے سے پہلے سرنڈرکریں گے، کارکنان کی گرفتاری کوئی نئی چیز نہیں پر امن احتجاج ہوگا ، ریاست مدینہ کے جعلی دعویداروں نےعوام کاجینا محال کردیا ہے۔
جوچاہتےہیں شریف فیملی میں لڑائی ہوان کےمنہ پرکل طمانچہ پڑے گا
خواجہ عمران نذیر نے کہا ہماری پارٹی ایک خاندان ہے،مرضی سے پیسے اکٹھے کررہےہیں ، عید الفطر کے بعد مسلم لیگ ن سرپرائز دےگی۔
ن لیگی رہنما کا کہنا تھا حمزہ شہبازنوازشریف کی گاڑی ڈرائیوکریں گے، جو چاہتے ہیں شریف فیملی میں لڑائی ہو ان کے منہ پر کل طمانچہ پڑے گا ، نوازشریف ان کا ماضی عوام کے سامنے ہیں۔
خیال رہے 7 مئی کو نوازشریف کی ضمانت پررہائی ختم ہورہی ہے، نوازشریف کل شام خودکو کوٹ لکھپت جیل حکام کےحوالےکریں گے، کارکنان کو نوازشریف سے اظہار یکجہتی کے لئے پہنچنے کی ہدایت کردی گئی ہے۔