اداروں نے ملک کو بند گلی میں دھکیل دیا ہے، خورشید شاہ

پاکستان پیپلز پارٹی کے مرکزی رہنما خورشید شاہ نے کہا ہے کہ ہمارے اداروں نے ملک کو بند گلی میں دھکیل کر بند کر دیا ہے۔

اے آر وائی نیوز کے مطابق پیپلز پارٹی کے مرکزی رہنما خورشید شاہ نے سکھر میں میڈیا سے گفتگو کرتے ہوئے کہا ہے کہ اداروں نے ملک کو بند گلی میں بند کر دیا ہے، پہلے کے پی اسمبلی تحلیل ہوئی لیکن زور پنجاب پر ہے۔ یہ چاہتے ہیں پنجاب میں 6 مہینے پہلے انتخابات ہوں۔

خورشید شاہ کا کہنا تھا کہ یہ ایسا نظام لانا چاہتے ہیں جس سے صرف تباہی آسکتی ہے۔ سیاست میں مذاکرات ہونے چاہئیں، لیکن دھمکی دے کر مذاکرات نہیں کرائے جاسکتے۔

ان کا کہنا تھا کہ قانون سازی کرنا پارلیمنٹ کا کام ہے۔ پارلیمنٹ کے کیے گئے فیصلوں اور قوانین پر عدلیہ اسٹے نہیں کرسکتی بلکہ عمل کرتی ہے۔