یہ مزیدار مشروب گھر میں بنائیں، گردوں کے امراض سے نجات پائیں!

(15 اگست 2025): گردے انسانی جسم کا اہم عضو ہیں جو خون کو صاف کرتے ہیں اس کے انفیکشن سے بچنے کے لیے یہ مشروب مفید ہے۔

گردے انسانی جسم کے اعضائے رئیسہ میں شامل عضو میں سے ایک ہے۔ یہ جب تک کام کرتے ہیں، انسان کی زندگی سہل رہتی ہے اور جب ان کے کام میں رکاوٹ آئے تو انسان مختلف بیماریوں کا شکار ہونے لگتا ہے۔

 صحت سے متعلق خبریں اور معلومات

گردے فیل ہو جائیں تو اس کا علاج صرف ڈائیلاسز ہے، جو تکلیف دہ علاج ہے۔ تاہم گردوں کے دیگر امراض میں ایک گھریلو ٹوٹکا مفید ہے جو بہت سارے مسائل سے نجات دلاتا ہے۔

اے آر وائی کیو ٹی وی کے پروگرام ’’صحت اور سنت‘‘ میں میزبان نے اس حوالے سے ایک انتہائی مزیدار مشروب کا نسخہ بتایا ہے جو با آسانی گھر میں بنایا جا سکتا ہے۔

اکثر لوگوں کو گردے میں ورم کی شکایت ہوتی ہے جو عموماً پانی کی کمی کی وجہ سے ہوتی ہے۔ یا کبھی گردوں میں کوئی انفیکشن آ جاتا ہے۔ اس کے علاوہ کچھ لوگوں کو پیشاب میں انفیکشن کی شکایت ہوتی ہے، جیسا کہ پیشاب کرتے ہوئے جلن کا احساس یا پیشاب میں رکاوٹ ہونا۔

پروگرام میزبان کے مطابق اگر کسی کو ان مسائل کا سامنا ہے تو ان کے لیے یہ مشروب انتہائی مفید ہے جو صرف چار چیزوں پر مشتمل ہے۔

انہوں نے بتایا کہ ایک گلاس ٹھنڈے پانی میں چوتھائی ٹی اسپون میٹھا سوڈا، ایک چمچ خالص عرق گلاب اور شہد آدھا چمچہ ملائیں۔ یہ خوش ذائقہ مشروب بن جائے گا جو گردے کے درج بالا مسائل سے نجات حاصل کرنے میں مددگار ثابت ہوگا۔

انہوں نے یہ بھی بتایا کہ تاہم یہ گھریلو نسخہ گردے کے امراض سے متعلق چھوٹے موٹے مسائل کا علاج ہے۔ گردوں کی خرابی اور جن کے کریٹینائن کی سطح بڑھ گئی ہے انکے لیے نہیں ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔