شوبز انڈسٹری کی معروف اداکارہ کنزا ہاشمی کی ویڈیو سوشل میڈیا پر وائرل ہوگئی۔
فوٹو اور ویڈیو شیئرنگ ایپ انسٹاگرام پر اداکارہ کنزا ہاشمی نے ویڈیو شیئر کی جس میں وہ میک اپ کرتے ہوئے امریکی گلوکارہ سلینا گومز کے گانے ’پیوپل یو نو‘ پر لپسنگ کررہی ہیں۔
کنزا ہاشمی نے ویڈیو شیئر کرتے ہوئے کیپشن میں گانے کے بول لکھے۔
اداکارہ نے گزشتہ روز یہ ویڈیو شیئر کی جسے لاکھوں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔
واضح رہے کہ کنزا ہاشمی سوشل میڈیا پر کافی متحرک رہتی ہیں اور گاہے بگاہے اپنی ویڈیوز اور تصاویر شیئر کرتی رہتی ہیں جسے ان کے مداح بھی پسند کرتے ہیں۔
اس سے قبل کنزا ہاشمی نے ویڈیو شیئر کی تھی جس میں وہ ’باربی‘ بن گئی تھیں۔
یاد رہے کہ کنزا ہاشمی نے 2014 میں شوبز انڈسٹری میں قدم رکھا تھا جبکہ انہوں نے اے آر وائی ڈیجیٹل کے ڈرامہ سیریل ’ہوک‘ میں ’حیا‘ کا مرکزی کردار نبھایا تھا جس میں ان کے ہمراہ فیصل قریشی، شہروز سبزواری، صائمہ نور ودیگر شامل تھے۔
کنزا ہاشمی ڈرامہ سیریل ’آزمائش‘ میں بھی اداکاری کے جوہر دکھا چکی ہیں۔