اداکارہ کومل عزیز خان کا کہنا ہے کہ خواتین اگر شوہر کے میسجز پکڑلیں تو فوری ردعمل نہ دیں۔
اے آر وائی ڈیجیٹل کے پروگرام ’گڈ مارننگ پاکستان‘ میں گفتگو کرتے ہوئے کومل عزیز نے کہا کہ مجھے عمر کے ساتھ تجربہ ہوا ہے کہ کسی کی بات پر فوری غصہ نہیں کرنا ہے، جیسے ادھار کی بات ہو تو کوئی بندہ کہے کہ میں تو اپنا وقت دے رہا تھا تو میں ردعمل نہیں دوں گی بلکہ کہوں گی کہ آپ صحیح کہہ رہے ہیں۔
کومل عزیز نے کہا کہ میں بعد میں اسٹریٹیجی بناؤں گی کہ اس سے اب پیسے کیسے نکلوانے ہیں۔
اداکارہ نے کہا کہ میری شادی نہیں ہوئی لیکن آپ کی شادی ہوئی ہے اور آپ نے شوہر کے میسجز پکڑلیے ہیں تو فوراً اٹھا کر میسجز نہ دکھائیں اپنے اوپر کنٹرول کریں کوئی رونا دھونا نہ کریں، ردعمل دینے سے وہ ڈھیٹ ہوجائے گا اور اپنے پیغامات کو بھی ڈیلیٹ کردے گا۔
کومل عزیز نے کہا کہ اپنا وقت لیں جب آپ تحمل مزاجی سے کام لیں گے تو آپ کو خود ہی راستہ مل جائے گا۔
انہوں نے کہا کہ یہ سب مجھے کاروبار کرکے اندازہ ہوا ہے جیسے کسی نے چوری کرلی ہے تو اس ملازم کو فوراً نہیں ڈانٹوں گی، میں یہ سوچوں گی کہ اس سے کیسے بچوں گی اور اپنے پیسے اس کی تنخواہ سے منہا کرلوں گی۔
کومل عزیز نے کہا کہ عورتیں زیادہ جذباتی ہوتی ہیں وہ فوری ردعمل دے دیتی ہیں،