شوبز انڈسٹری کی معروف اداکارہ کومل میر کا کہنا ہے کہ وزن میں اضافے پر تنقید نے ذہنی صحت کو متاثر کیا۔
اے آر وائی ڈیجیٹل کے ڈرامہ سیریل ’اے دل‘ میں مرکزی کردار نبھانے والی اداکارہ کومل میر نے حالیہ انٹرویو میں وزن بڑھنے پر تنقید کے بعد ذہنی صحت متاثر ہونے کا انکشاف کیا ہے۔
انہوں نے کہا کہ فیروز قادری جانتے ہیں میں چند بار روئی جب میرے اردگرد کے لوگ ذاتی طور پر تبصرے کرنے اور عجیب و غریب باتیں کرنے لگے۔
کومل میر نے کہا کہ سوشل میڈیا پر ٹرولنگ کو میں نے کہا کہ دو سے تین دن بعد ختم ہوجائے گی لیکن یہ سلسلہ دو سے تین ماہ جاری رہا جس نے مجھے پریشان کردیا۔
یہ پڑھیں: وزن کم ہونے پر ’سوکھی‘ کہا جاتا تھا، کومل میر
اداکارہ کے مطابق دوستوں نے مشورہ دیا کہ ویڈیو بنا کر واضح کروں لیکن میں جو کچھ بھی کہتی کوئی اس پر یقین ہی نہیں کرتا۔
انہوں نے بتایا کہ ایک انٹرویو میں بتایا کہ قدرتی طور پر وزن بڑھا ہے تو لوگوں نے کہا کہ جھوٹ بول رہی ہوں۔
کومل میر کے مطابق انہوں نے کسی طرح کا کوئی میک اپ پراسیجر نہیں کروایا، نہ انہوں نے کوئی سرجری کروائی ہے، البتہ انہوں نے اپنا وزن بڑھایا ہے، جس وجہ سے ظاہری طور پر ان کا چہرہ بھی بدل چکا ہے۔