شوبز انڈسٹری کی معروف اداکارہ ژالے سرحدی کی مزاحیہ ویڈیو وائرل ہوگئی۔
فوٹو اور ویڈیو شیئرنگ ایپ انسٹاگرام پر اداکارہ ژالے سرحدی نے دلچسپ ویڈیو شیئر کی جس میں وہ مزاحیہ جملے پر لپسنگ کررہی ہیں۔
ژالے سرحدی نے ویڈیو شیئر کرتے ہوئے کیپشن میں لکھا کہ ’کچھ تو بات ہے، بات ہے رسوائی کی لیکن بات ہے سچائی کی۔‘
ویڈیو میں لپسنگ کرتے ہوئے اداکارہ کہتی ہیں کہ ’کچھ تو بات ہوگی مجھ میں، ورنہ اتنے سارے پینڈنگ کام ہونے کے بعد بھی اتنا ٹینشن فری ہوکر میں کیسے گھوم سکتا ہوں۔‘
ژالے سرحدی نے چند گھنٹوں قبل یہ ویڈیو شیئر کی جسے مداحوں کی جانب سے خوب سراہا جارہا ہے اور اس پر دلچسپ تبصرے بھی کیے جارہے ہیں۔
واضح رہے کہ ژالے سرحدی سوشل میڈیا پر اکثر مزاحیہ ویڈیوز شیئر کرتی رہتی ہیں جسے ان کے مداح بھی پسند کرتے ہیں۔
اس سے قبل بھی اداکارہ نے مزاحیہ ویڈیو شیئر کی تھی جو وائرل ہوگئی تھی۔
ژالے سرحدی نے اے آر وائی ڈیجیٹل کے ڈرامہ سیریل ’پنجرہ‘ میں اداکاری کے جوہر دکھائے تھے جس کی دیگر کاسٹ میں حدیقہ کیانی، عمیر رانا، سنیتا مارشل، فرقان قریشی، جنان حسین ودیگر شامل تھے۔