لاہور: جوڈیشل مجسٹریٹ نے بانی پی ٹی آئی کو اسلام آباد پولیس پر حملہ کیس میں 22 جولائی کو ذاتی حیثیت میں طلب کرلیا۔
تفصیلات کے مطابق لاہور میں جوڈیشل مجسٹریٹ کی عدالت میں بانی پی ٹی آئی کی رہائشگاہ کے باہر اسلام آباد پولیس پر حملے کیس کی سماعت ہوئی۔
جوڈیشل مجسٹریٹ نے بانی پی ٹی آئی کو ذاتی حیثیت میں پیش کرنے کا حکم دے دیا۔
جوڈیشل مجسٹریٹ کینٹ نےسپرنٹنڈنٹ کیمپ جیل کوحکم جاری کردیا ، جس میں کہا جیل حکام بانی پی ٹی آئی کو 22جولائی تک ذاتی حیثیت میں پیش کریں۔
جوڈیشل مجسٹریٹ نے طلبی کے حکم نامے کے ساتھ روبکار بھی جاری کردی اور کہا کیس کی پیروی کیلئےاڈیالہ جیل میں قیدبانی پی ٹی آئی کوذاتی حیثیت میں پیش کریں۔
اسلام آبادپولیس نے عمران خان کیخلاف تھانہ ریس کورس میں مقدمہ درج کر رکھا ہے۔