اسلام آباد: شہرِ اقتدار میں واقع مارگلہ ہلز میں رات کے وقت چیتے نے گشت کیا جس کی ویڈیو سامنے آگئی۔
چیئرمین سینٹرل فلم بورڈ، انفارمیشن منسٹری کے ڈائریکٹر دانیال گیلانی نے سماجی رابطے کی ویب سائٹ پر چیتے کے مٹر گشت کی ویڈیو شیئر کی۔
انہوں نے ویڈیو کے ساتھ لکھا کہ ’’ایک عام چیتا 30 اکتوبر 2019 کو مارگلہ ہلز نیشنل پارک میں گشت کرتا دیکھا گیا‘‘۔ دنیال گیلانی نے بتایا کہ انہیں مذکورہ ویڈیو اسلام آباد وائلڈ لائف مینجمنٹ بورڈ کی جانب سے موصول ہوئی۔
Leopard in Islamabad 🐆🤩
A common leopard was seen roaming around freely on Trail 6 of Margallah Hills National Park on 30th October 2019.
Captured by: Mohebullah Naveed
Via Islamabad Wildlife Management Board #BeautifulPakistan #SundayThoughts pic.twitter.com/T00e6slCrU— Danyal Gilani (@DanyalGilani) November 3, 2019
یاد رہے کہ مارگلہ ہل نیشنل پارک ہمالیہ کے دامن میں واقع ایک خوبصورت پارک ہے۔ یہاں شکر پڑیاں پارک اور کئی دیگر سیاحتی مقامات بھی موجود ہیں۔ قدرتی پارک میں کئی اقسام کے جانور اور پرندے پائے جاتے ہیں جبکہ بندروں کی کثیر تعداد آنے والے سیاحوں کو عام طور نظر آتی رہتی ہے۔