لاہور : لاہور ہائیکورٹ نے وزیراعظم شہبازشریف کے بیٹے سلیمان شہباز کیخلاف مقدمہ درج کرنے کا آرڈر کالعدم قرار دے دیا۔
تفصیلات کے مطابق لاہور ہائی کورٹ میں شہباز شریف کے بیٹے سلیمان شہباز کیخلاف مقدمہ درج کرنے کے فیصلے کیخلاف درخواست پر سماعت ہوئی۔
وکیل درخواست گزار نے بتایا کہ پولیس نے ٹرائل کورٹ میں جواب جمع نہ کرایا مگرعدالت نےمقدمہ درج کرنےکا حکم دےدیا ، ٹرائل کورٹ نےسنےبغیر یکطرفہ مقدمہ درج کرنے کا حکم دیا۔
وکیل مدعی کا کہنا تھا کہ میں نے کمپنی کی طرف سے 17 لیپ ٹاپ فروخت کیے، مجھےکمپنی نے جو دو چیک دیے وہ باؤنس ہوئے، جس کے بعد کمپنی نے مدعی سے لیپ ٹاپ نہیں خریدے۔
وکیل کا موقف میں کہا کہ کمپنی کےملازم محمد رضا نے ذاتی حیثیت میں 11لیپ ٹاپ خریدے ، محمد رضا کیخلاف دو چیک چوری کرنے کا مقدمہ درج ہے، مدعی نےحقائق چھپا کر ماتحت عدالت سےاندراج مقدمہ کا آرڈر حاصل کیا۔
لاہورہائیکورٹ نے سلیمان شہباز کیخلاف مقدمہ درج کرنےکاآرڈر کالعدم قرار دے دیا اور مدعی کو شامل تفتیش ہونے کی ہدایت کر دی۔