کراچی : کراچی کے مختلف علاقوں میں بارش کا سلسلہ ایک بار پھر شروع ہوگیا ، جس سے سردی کی شدت میں اضافہ ہوگا جبکہ درجہ حرات 10 سے11ڈگری رہنےکاامکان ہے۔
تفصیلات کے مطابق کراچی میں صدر اورشارع فیصل پی آئی ڈی سی، مائی کلاچی ، میٹروپول، ہجرت کالونی،سلطان آباد،آئی آئی چندریگرروڈ سمیت مختلف علاقوں میں گرج چمک کے ساتھ بارش کا سلسلہ ایک بار پھر شروع ہوگیا۔
محکمہ موسمیات کا کہنا ہے کہ کراچی میں بارش کا سلسلہ 24 گھنٹے تک جاری رہے گا، بارش برسانے والا سسٹم بلوچستان سے جاچکا ہے لیکن سسٹم کےاثرات باقی ہیں، جس کے باعث بارش ہوگی۔
محکمہ موسمیات کے مطابق درجہ حرات 10 سے11ڈگری رہنےکاامکان ہے جبکہ شہرکاموجودہ درجہ حرارت 20 ڈگری سینٹی گریڈ ہے، ٹھنڈی ہوا کے باعث سردی میں اضافہ محسوس کیا جارہا ہے۔
یاد رہے گزشتہ شب کراچی میں مختلف علاقوں میں موسلادھار بارش ہوئی ، بارش کےبعدسردی کی شدت میں معمولی اضافہ ہوا، لانڈھی میں سب سے زیادہ31 ملی میٹربارش ریکارڈکی گئی۔
مزید پڑھیں : کراچی کے مختلف علاقوں میں موسلا دھار بارش، موسم سرد
کراچی میں بارش کے باعث 208فیڈرزٹرپ کرگئے اور کینٹ اسٹیشن ،ناظم آباد سمیت مختلف علاقوں میں بجلی کی فراہمی معطل ہوگئی جبکہ کرنٹ لگنے کے واقعات میں دو افراد جان کی بازی ہار گئے۔
دوسری جانب لاہورسمیت پنجاب کےمختلف میدانی علاقوں میں وقفے وقفے سے بارش کا سلسلہ جاری ہے ، بارش کےساتھ تیزہوا چلنے سے سردی کی شدت میں اضافہ ہوگیا ہے۔
محکمہ موسمیات نے بارش کا سلسلہ 24گھنٹے تک جاری رہنے کی پیشگوئی کی ہے جبکہ آج دن بھر مطلع ابر آلود رہے گا۔
بلوچستان کے بالائی پہاڑی اور میدانی علاقے سر ہواؤں کی لپیٹ میں ہیں، وادی زیارت، کان مہترزئی اور توبہ اچکزئی میں درجہ حرارت نقطہ انجماد سے نیچے گرگیا۔