زیورخ:فیفا نے ارجنٹائن کےاسٹارفٹبالر لیونل میسی پرعائد چارمیچزکی پابندی ختم کردی۔
تفصیلات کےمطابق فٹبال کی عالمی گورننگ باڈی فیفا نےارجنٹائن کے معروف فٹبالر لیونل میسی پرعائد چارمیچز کی پابندی ختم کرتے ہوئےانہیں انٹرنیشنل میچز کھیلنے کی اجازت دے دی ہے۔
ارجنٹائن کےاسٹارفٹبالر لیونل میسی نے پابندی کے خلاف اپیل دائر کی تھی جس پر فیفا کی اپیل کمیٹی نے ناکافی ثبوت پر پابندی کے ساتھ ساتھ جرمانہ بھی ختم کردیا۔
فٹبال اسٹارمیسی کے 500 گول کا ہدف مکمل
خیال رہےکہ اسپینش فٹبال لیگ کے ایک اہم میچ میں میسی نے روایتی حریف ریال میڈرڈ کے خلاف 2 گول کر کے 500 گول کرنے کا ہدف مکمل کر لیا تھا۔
امپائر سے بدتمیزی، میسی پر چار میچز کی پابندی عائد
یاد رہےکہ میسی پرالزام تھا کہ 23اپریل کوچلی کےخلاف ورلڈکپ کوالیفائنگ میچ میں انہوں نےامپائر کے ساتھ بدتمیزی کی اور میچ ریفری اور آفیشلز کی رپورٹ کے تناظر میں ارجنٹینا کےاسٹار پر پابندی عائد کی تھی۔
واضح رہےکہ پابندی کےباعث29مارچ کو میسی بولیویاکےخلاف کوالیفائرکامیچ نہیں کھیل سکےتھےاوراس میچ میں ارجنٹائن کو شکست ہوئی تھی لیکن اب وہ بقیہ کوالیفائنگ میچوں میں اپنےملک کی نمائندگی کرسکیں گے۔