مستونگ : بلوچستان کے ضلع مستونگ پسند کی شادی کرنے والے جوڑے کو 7 سال بعد 2 بچوں کے سامنے قتل کرنے کا مقدمہ درج کرلیا گیا۔
تفصیلات کے مطابق بلوچستان کے ضلع مستونگ میں سات سال پہلے پسند کی شادی کرنے والے میاں بیوی کے قتل کا مقدمہ درج کرلیا گیا ہے۔
واقعے کا مقدمہ لیویز تھانہ ولی خان میں درج کیا گیا، مقدمے میں خاتون کے پانچ بھائیوں کو نامزد کیا گیا ہے۔
ایف آئی آر میں کہا گیا کہ مقتول میاں بیوی نے سات سال پہلے پسندکی شادی کی تھی، راضی نامے کے بعد بھائیوں نے حاملہ بہن اور بہنوئی کو کھانے پر بلایا، کے بھائیوں نے دعوت پر بلایا تھا۔
مزید پڑھیں : مستونگ : پسند کی شادی کرنے والے میاں بیوی 7سال بعد قتل
پولیس کا کہنا تھا کہ مقتولین کوپنجگور سے لکپاس آتے ہوئے نوشکی کراس پر قتل کیا گیا ، میاں بیوی کو ان کے دو معصوم بچوں کے سامنے قتل کیاگیا۔
واقعہ منگل کی صبح سات بجے پیش آیا تاہم پولیس کے مطابق ملزمان کی گرفتاری کے لئے کارروائی جاری ہے۔
پولیس کے مطابق مقتول میاں بیوی کی عمریں 27 سے 28 سال کے درمیان تھیں، مقتول لڑکے محمد شعیب کا تعلق پنجگور کےعلاقے چتکان سے تھا۔
مقتول نے 7 سال قبل کوئٹہ ہزار گنجی کی رہائشی لڑکی سے عدالت کے ذریعے پسند کی شادی کی تھی۔