افریقی ملک مڈغاسکر کے وفاقی وزیر کا ہیلی کاپٹر حادثے کا شکار ہوکر سمندر میں گر گیا جس کے بعد وزیر نے مسلسل 12 گھنٹے تیراکی کرکے اپنی جان بچائی۔
غیرملکی خبررساں ادارے کی رپورٹ کے مطابق مڈغاسکر میں شعبہ پولیس کے لیے تعینات وفاقی وزیر کا ہیلی کاپٹر ایک آپریشن کے دوران سمندری حدود کی فضا میں حادثے کا شکار ہوگیا تھا، انہوں نے کئی گھنٹوں تک تیر کر ساحل پر پہنچنے میں کامیابی حاصل کی۔
وفاقی وزیر سرج گیلے کے ہیلی کاپٹر میں دو مزید پولیس اہلکار بھی موجود تھے جو حادثے میں بال بال بچ گئے۔
رپورٹ کے مطابق وفاقی وزیر سرج گیلے رواں برس اگست میں ہی وزیر بنے تھے۔
سرج گیلے کا اپنی ویڈیو بنانے والے افراد سے کہنا تھا کہ ان کی یہ ویڈیو خاندان، دوستوں اور حکومتی اراکین کو دکھائی جائے، ان کا مزید کہنا تھا کہ میرے مرنے کا وقت ابھی نہیں آیا ہے۔
♦️Le GDI Serge GELLE, un des passagers de l'hélicoptère accidenté hier a été retrouvé sain et sauf ce matin du côté de Mahambo.
☑️ Les sapeurs sauveteurs de la #4°UPC ont également retrouvé le carcasse de l'hélicoptère au fond de la mer. pic.twitter.com/sP2abwTMwB— Ministère de la Défense Nationale Madagascar (@MDN_Madagascar) December 21, 2021
پولیس کے سربراہ زافیسمبترا راوئاوے نے بتایا کہ سرج گیلے نے ہیلی کاپٹر کی ایک نشت کو بطور فلوٹیشن ڈیوائس استعمال کیا۔
ان کا کہنا تھا کہ کھیلوں میں دلچسپی ہونے کے باعث سرج گیلے نے ایک تیس سال کے لڑکے کی طرح اپنا ردھم برقرار رکھا، ان کے اعصاب فولاد کی مانند ہیں۔
انہوں نے بتایا کہ اگست میں بطور وزیر تعیناتی سے پہلے سرج گیلے نے تین دہائیوں تک پولیس میں سروس کی ہے، مدغاسکر کے پولیس حکام کے مطابق تاحال ہیلی کاپٹر حادثے کی وجہ معلوم نہیں ہوسکی۔