اسلام آباد: عام انتخابات سے قبل الیکشن رولز میں بڑی تبدیلی کردی گئی۔
تفصیلات کے مطابق الیکشن کمیشن آف پاکستان کی جانب سے نئے عام انتخابات کو صاف اور شفاف بنانے کے لئے اقدامات کرنے کا سلسلہ جاری ہے،آج ای سی پی کی جانب سے الیکشن رولز میں بڑی تبدیلی کردی گئی۔
یہ بھی پڑھیں: مسلم لیگ ن کا پنجاب میں سیاسی سرگرمیاں بڑھانے کا فیصلہ
الیکشن کمیشن کی جانب سے جاری نوٹی فیکیشن کے مطابق انتخابات میں پولنگ ایجنٹس کا حلقے کا ووٹر ہونا لازم قرار دے دیا گیا، کسی بھی امیدوار کے پولنگ ایجنٹ کا تعلق دوسرے حلقے سے نہیں ہوسکتا۔
واضح رہے کہ پنجاب کے بیس حلقوں میں ہونے والے ضمنی انتخابات میں پولنگ ایجنٹس سے متعلق کیس الیکشن کمیشن کے پاس آیا تھا، الیکشن کمیشن نے پولنگ ایجنٹس کے متعلقہ حلقہ سے ہونے سے متعلق ریٹرننگ افسران کی موقف کے خلاف پی ٹی آئی کی درخواست مسترد کی تھی۔
یاد رہے کہ اس سے قبل لاہور ہائی کورٹ نےبھی صرف متعلقہ حلقے سے پولنگ ایجنٹس مقرر کرنے کے حوالے سے الیکشن کمیشن آف پاکستان (ای سی پی) کا نوٹیفکیشن معطل کرتے ہوئے فیصلہ دیا تھا کہ پولنگ ایجنٹ کسی بھی حلقے سے تعینات کیا جا سکتا ہے۔