لاہور: پنجاب میں دہشت گردی کے پیش نظر سی ٹی ڈی نے تابڑ توڑ کارروائیاں کرتے 9 دہشت گردوں کو گرفتار کرلیا ہے۔
سی ٹی ڈی ترجمان کے مطابق سی ٹی ڈی نے پنجاب بھر میں 42 انٹیلی جنس بیسڈ آپریشنز کئے، آپریشن کے دوران 45 مشکوک افراد سے پوچھ گچھ کی گئی جبکہ آپریشن کے دوران 9 دہشت گردوں کو گرفتارکیا گیا جنہیں نامعلوم مقام پر منتقل کردیا گیا ہے۔
ترجمان کے مطابق لاہور سے خاتون سمیت چار مبینہ دہشت گرد گرفتار کئے گئے، مبینہ دہشت گردوں میں سبحان اللہ، لقمان شاہ اور جام داد شامل ہیں جبکہ سرتاج الیاس،محمد وصل،،ندیم الحسن،محران علوی اور خاتون ایمن ماریہ بھی گرفتار ہونے والوں میں شامل ہیں۔
مزید پڑھیں: بنوں: سی ٹی ڈی کی کارروائی،2 دہشتگرد گرفتار
ترجمان کے مطابق دہشت گردوں سے بارودی مواد، سیفٹی فیوز، ڈیٹونیٹر اور کیش برآمد کیا گیا ہے، تمام دہشت گردوں کا تعلق کالعدم تنظیم سے ہے،، مبینہ دہشت گردوں سے مزید تحقیقات کی جارہی ہیں۔
واضح رہے کہ دو روز قبل کاؤنٹر ٹیرارزم ڈیپارنمنٹ نے بنوں میں دہشت گردی کا بڑا منصوبہ ناکام بناتے ہوئے 2 دہشت گردوں کو گرفتار کیا تھا۔
پولیس کے مطابق گرفتار دہشت گردوں کے قبضہ سے 2 عدد ایس ایم جی، ایک ہینڈ گرنیڈ، 3 عدد میگزین اور کارتوس سمیت دیگر سامان برآمد ہوا ہے جب کہ دہشت گردوں کا تعلق کالعدم تنظیم سے ہے، اس کے علاوہ دہشت گرد ٹارگٹ کلنگ، بھتہ خوری، بم دھماکوں اور سکیورٹی فورسز پر حملوں میں بھی مطلوب تھے۔