برمنگھم : پاکستانی نوبل انعام یافتہ ملالہ یوسف زئی کی برطانیہ کے شہر برمنگھم میں پاکستانی کرکٹ ٹیم سے ملاقات کی،ان کا کہنا تھا کہ پاکستان ٹیم ملک کا نام روشن کررہی ہے.
تفصیلات کے مطابق انٹرنیشنل کرکٹ کونسل نے سماجی رابطےکی ویب سائٹ ٹویٹر پر تصاویر جاری کی ہے جس میں پاکستانی نوبل انعام یافتہ ملالہ یوسف زئی پاکستان ٹیسٹ کرکٹ ٹیم کے کپتان مصباح الحق کےساتھ آٹو گراف کیے ہوئے بلے کو اٹھائے ہوئے کھڑی ہیں.
An inspiration to all. Malala Yousafzai met her Pakistan cricket heroes at the 3rd #EngvPak Test #SpiritofCricket pic.twitter.com/ffXSTw9c9V
— ICC (@ICC) August 7, 2016
ایک اور تصویر میں نوبل انعام یافتہ ملالہ یوسف زئی سابق ٹسیٹ کرکٹر رمیز راجا کے ساتھ کھڑی ہیں.
A true privilege to welcome a very special View from the Boundary. Malala Yousafzai with us at Tea.#bbccricket pic.twitter.com/yPEhyflS9b
— Test Match Special (@bbctms) August 6, 2016
یاد رہے کہ پاکستانی انعام یافتہ یوسف زئی پاکستانی ٹیم کا حوصلہ بڑھانے کے لیے ہفتے کو ایجبسٹن ٹیسٹ میچ دیکھنے آئی تھیں.
ملالہ یوسف زئی نے بی بی سی کی ٹیسٹ میچ اسپیشل ٹرانسمیشن میں کمنٹری باکس سے فارغ ہونے کے بعد صحافیوں سے بات کی اور مختلف سوالات کا جواب دیا.
ملالہ کا کہنا تھا کہ وہ پاکستان میں کبھی میچ دیکھنے نہیں گئی اور یہ ان کا پہلا ٹیسٹ میچ ہے جبکہ ون ڈے میچ وہ اس سے پہلے دیکھ چکی ہیں.
ملالہ نے یہ بھی کہا کہ پاکستان ٹیم کو بہت سے چیلنجز کا سامنا ہے اور وہ پاکستان ٹیم کو داد دینا چاہیں گی کہ وہ ملک کا نام روشن کر رہے ہیں.