"نورا فتیحی جیسی دکھائی دو،” شوہر کے مطالبے پر بیوی تھانے پہنچ گئی

بھارت میں شوہر نے بیوی سے مطالبہ کیا کہ وہ اداکارہ نورا فتیحی جیسی دکھائی دے جس کے بعد وہ شکایت لے کر تھانے پہنچ گئی۔

بھارتی میڈیا رپورٹ کے مطابق ریاست اترپردیش کے شہر غازی آباد میں نوجوان کو اداکارہ نورا فتیحی کا اس قدر جنون ہوا کہ اس نے بیوی کو بالکل اس جیسا بنانے کا فیصلہ کیا۔

معاملہ اب تھانے پہنچ گیا ، سرکاری فزیکل ایجوکیشن ٹیچر شیوم اجول پر الزام ہے کہ انہوں نے بیوی شانوی کو دن میں تین گھنٹے جم میں گزارنے پر مجبور کیا۔

یہ پڑھیں: نورا فتیحی نے اپنے فون کے ٹکڑے ٹکڑے کرنے کی اصل وجہ بتا دی

متاثرہ خاتون نے کہا کہ اگر وہ ورزش کا مطالبہ پورا کرنے میں ناکام رہی تو اسے کھانا دینے سے انکار کردیا۔

رپورٹ کے مطابق خاتون کی شادی نوجوان سے 6 مارچ 2025 کو ہوئی جس کے بعد سے سسرال والے شکل و صورت پر طعنے دیتے تھے۔

خاتون کے مطابق شوہر اکثر یہ کہتا رہتا تھا کہ وہ کسی نورا فتیحی جیسی لڑکی سے شادی کرسکتا تھا۔
خاتون نے پولیس سے کہا کہ مجھے فوری انصاف فراہم کیا جائے۔