نصیر الدین شاہ کے سندھی زبان سے متعلق بیان پر منشا پاشا بھی بول پڑیں

بالی ووڈ کے لیجنڈری اداکار نصیر الدین شاہ کے سندھی زبان سے متعلق بیان پر اداکارہ منشا پاشا بھی بول پڑیں۔

بھارتی اداکار نصیر الدین شاہ کو سندھی زبان سے متعلق بیان دینا مہنگا پڑ گیا، سوشل میڈیا صارفین کی جانب سے انہیں تنقید کا نشانہ بنایا جارہا ہے۔

نصیر الدین شاہ نے حالیہ انٹرویو کے دوران کہا تھا کہ ’سندھی زبان اب پاکستان میں نہیں بولی جاتی۔‘

اداکارہ منشا پاشا نے ان کی ویڈیو کلپ کو ری ٹوئٹ کرتے ہوئے لکھا کہ ’بطور قابل فخر سندھی جو کہ گھر میں سندھی بولتی بھی ہیں، میں اس رائے سے اختلاف کرتی ہوں۔‘

As a proud Sindhi who speaks the language within her household, I beg to differ. https://t.co/6XXWaUXRtv

— Mansha Pasha (@manshapasha) June 6, 2023

سوشل میڈیا صارفین نے بھی نصیرالدین شاہ کو مشورہ دیا کہ ’وہ اپنی معلومات درست کریں کیونکہ ایسا بلکل نہیں ہے سندھی صوبہ سندھ کی ایسی زبان ہے جو سب سے زیادہ بولی جاتی ہے۔‘

ایک صارف نے لکھا ’میں حیران ہوں کہ آپ کو یہ خیال کہاں سے آیا کہ پاکستان میں اب سندھی نہیں بولی جاتی؟‘

ایک اور سوشل میڈیا صارف نے لکھا کہ ’سر آپ سندھ کا دورہ کریں یہاں سندھی زبان عام ہے اور آپ لوگوں کو سندھی بولتا دیکھیں گے۔‘