صدر رجب طیب اردوان اور الہام علیوف کے درمیان ہونے والی ملاقات میں ترکی اور آذربائیجان کے درمیان کئی معاہدے طے پاگئے۔
صدر رجب طیب ایردوان خاتون اول امینہ ایردوان کے ہمراہ آرمینیا کے قبضے سے آزاد کروائے جانے والے تاریخی شہر شوشا پہنچے تو آذربائیجان کے صدر الہام علیوف نے خاتون اول کے ہمراہ استقبال کیا
صدر رجب طیب ایردوان اور صدر آذربائیجان الہام علیوف کے درمیان تاریخی شہر شوشا میں ہونے والی ملاقات کے دوران دو طرفہ امور پر تبادلہ خیال کیا گیا۔
صدر رجب طیب ایردوان اور صدر الہام علیوف نے مشترکہ پریس کانفرنس کی اور شوشا ڈیکلریشن پر دستخط کیے۔
ترکی اور آذربائیجان کے درمیان کئی معاہدے طے پا گئے جس میں باہمی تجارت کے فروغ اور دونوں ملکوں کو ملانے والی ریلوے ٹرین لائن کی جلد تکمیل کا فیصلہ کیا گیا۔
اعلامیہ کے مطابق ترکی اور آذربائیجان دہشت گردی، منظم جرائم، منشیات کی اسمگلنگ اور غیرقانونی اسمگلنگ کے خلاف تعاون کو فروغ دیں گے۔
واضح رہے کہ آذربائیجان نے آرمینیا کے ساتھ حالیہ جنگ میں شوشا کو آزاد کروایا تھا۔ صدر ایردوان نے اس جنگ میں آذربائیجان کی بھرپور مدد کی تھی۔