ARYNews.tv | Urdu – Har Lamha Bakhabar

پاناما میں کرپشن کی دستاویزات ملی ہیں،ساری اصلی ہیں، جرمن صحافی، مریم کو جواب

Written by

ویب ڈیسک

in

لاہور: وزیراعظم نواز شریف کی صاحبزادی مریم نواز نے کہا ہے کہ پاناما ردی کا ٹکڑا اور دنیا کے لیے کچرا ہے اس پہ انحصار کرنے والے لوگ خاک چھانیں گے دوسری جانب جرمن صحافی نے کہا ہے کہ پاناما پیپرز میں ہمیں کرپشن سے متعلق دستاویزات ملی ہیں جو کہ تمام اصلی ہیں۔

سماجی رابطے کی ویب سائٹ ٹوئٹر پر اپنے ایک پیغام میں انہوں نے کہا کہ پاناما کیس پہ انحصار کرنے والے اور اس کے ذریعے نواز شریف کو دباؤ میں لانے کی کوشش کرنے والے خاک چھانیں گے۔

انہوں نے کہا کہ پاناما ردی بن چکا ہے اور دنیا بھر میں اس کی حیثیت کچرے سے زیادہ نہیں اس لیے پاناما کو وزیراعظم  کے خلاف استعمال کرنے والوں کو منہ کی کھانا پڑے گی۔

 مریم نواز نے یہ ٹوئٹ ایک ٹوئٹ کے جواب میں کی جس کے تحت نواز شریف کو پاناما کے معاملے کے بعد آج لیہ میں زیادہ پُر اعتماد اور پُر جوش نظر آئے کیوں کہ ان کا مطمع نظر گڈ گورننس اور ترقیاتی پروجیکٹس کی تکمیل ہے۔

بعد ازاں تحریک انصاف کے وائس چیئرمین شاہ محمود قریشی نے مریم نواز کی ٹوئٹ پر ردعمل دیتے ہوئے کہا کہ پاناما ردی کا ٹکراؤ ہوتا تو سپریم کورٹ اس پر جے آئی ٹی نہ بنواتی اور ہم نے نہیں بلکہ سپریم کورٹ نے وزیراعظم کو کرپشن میں ملوث پایا اور انہیں جھوٹا کہا ہے اس لیے دو ججوں نے انہیں نااہل قرار دیا تھا اورتین نے تحقیقات کا حکم دیا۔

تحریک انصاف کا ردعمل آنے کے بعد مریم نواز شریف نے ایک اور ٹوئٹ میں کہا کہ پاناما کبھی بھی کرپشن سے متعلق نہیں رہا بلکہ اس دستاویز کو چوری کرنے والے اور ہیک کرنے والوں نے بھی اسے کرپشن کا ثبوت کہا ۔

 انہوں نے اپنی ایک ٹوئٹ میں تحریک انصاف کے سربراہ کا نام لیے بغیر کہا کہ پاناما پیپرز کو خیبر پختونخوا کی بری کارکردگی پر پردہ ڈالنے کے لیے استعمال کرنے سے کوئی فائدہ نہیں ہوگا کیوں کہ اب ووٹرز تو بیدار اور باشعور ہو گئے ہیں لیکن آپ اب تک میچیور نہیں ہوسکے ہیں۔

معذرت کے ساتھ پاناما میں کرپشن کی دستاویزات ملی ہیں جو کہ ساری اصلی ہیں، جرمن صحافی

ٹوئٹ پر شروع ہونے والی یہ بحث اس وقت اور مزید طوالت اختیار کر گئی جن ایک جرمن صحافی  بیسٹین اوبرمیئر نے مریم نواز کی ٹوئٹ کے جواب میں کہا کہ پاناما پیپرز میں ہمیں کرپشن سے متعلق دستاویز بھی ملی ہیں اور کہا کہ معذرت کے ساتھ یہ پاناما پیپرز کرپشن کے بارے میں ہی ہے جو کہ سب اصلی ہیں۔

https://twitter.com/b_obermayer/status/859404334521606145

مریم نواز شریف نے جرمن صحافی کو اپنے جواب میں کہا کہ اس معاملے پر زیادہ کچھ نہیں کہنا چاہتی تاہم افسوس کے ساتھ کہنا پڑتا ہے کہ آپ خود اور پاکستان سے تعلق رکھنے والے آپ کے  صحافی دوست ایک منتخب اور مقبول حکومت کو گرانے کی ساش کا حصہ بن گئے ہیں۔

قبل ازیں مریم نواز شریف اپنے ایک اور ٹوئٹ میں پاناما پیپرز کو لیک کرنے والے صحافیوں پر طنز کرتے ہوئے کہا کہ پاناما پیپرزوالےصحافیوں کادردسمجھ میں آسکتاہے کیوں کہ وہ تمام تر کوششوں کے باوجود منتخب حکومت کو گرانے میں ناکام رہے اور انہیں شکست کا سامنا کرنا پڑا۔

More posts