اسلام آباد : وزیر اطلاعات مریم اورنگزیب کا کہنا ہے کہ مسلم لیگ (ن) کی سینئر نائب صدر مریم نواز 28جنوری ہفتےکی رات پاکستان پہنچیں گی۔
تفصیلات کے مطابق وزیر اطلاعات مریم اورنگزیب نے سماجی رابطے کی ویب سائٹ ٹوئٹر پر بیان میں کہا ہے کہ مریم نواز26 جنوری کو لندن سے روانہ ہوں گی اور 28جنوری ہفتےکی رات 8 بجے لاہور پہنچیں گی، سب کی دعاؤں سےمریم نوازسرجری کے بعد صحتیاب ہو کرواپس آ رہی ہیں۔
پاکستان مسلم لیگ(ن)کی سینئیر نائب صدر ،چیف آرگنائزر مریم نواز انشاءاللہ 26 جنوری کو لندن سے روانہ ہوں گی اور 28 جنوری،ہفتے کی شب 8 بجے لاہور پہنچیں گی۔الحمدللّٰہ آپ سب کی دعاؤں سے مریم نواز شریف سرجری کے بعد صحت یاب ہو کر وطن واپس آ رہی ہیں۔آپ سب کی دعاؤں اور نیک تمناؤں کا شکریہ
— Marriyum Aurangzeb (@Marriyum_A) January 23, 2023
گذشتہ روز وزیرداخلہ راناثنااللہ نے لندن میں میڈیا سے گفتگو کرتے ہوئے کہا تھا کہ مریم نواز کا پاکستان واپسی کا پروگرام کچھ تبدیل ہوا ہے، مریم نواز 27 جنوری کو لندن سے دبئی جائیں گی اور 28 جنوری کو دبئی سے پاکستان پہنچیں گی۔