وزیر اعلیٰ پنجاب مریم نواز کا بیٹے جنید صفدر کا چالان کرنے پر بیان آگیا۔
وزیر اعلیٰ پنجاب مریم نواز نے بیٹے جنید صفدر کا چالان کرنے پر ڈولفن پولیس ٹیم کو شاباش دی اور کہا کہ ٹیم انچارج شاہ زیب، اہلکار پرویز، حیدر اور مجاہد کو شاباش دیتی ہوں۔
مریم نواز نے کہا کہ آپ نے قانون کی پاسداری یقینی بنائی، قانون کی بالادستی ہی ہماری حکومت کی پہچان ہے۔
یہ پڑھیں: لاہور: پولیس اہلکار نے وزیراعلیٰ پنجاب کے بیٹے جنید صفدر کا چالان کردیا
انہوں نے کہا کہ پورے پنجاب میں قانون کا یکساں نفاذ اور پاسداری دیکھنا چاہتی ہوں۔
واضح رہے کہ جنید صفدر کے ہمراہ سیکیورٹی گاڑی کا ٹریفک کی خلاف ورزی پر چالان کیا گیا تھا۔ نئے ٹریفک رولز کی خلاف ورزی کرنے پر وزیراعلیٰ پنجاب کے بیٹے جنید صفدر کا چالان کیا گیا۔