اپنا گھر بنانے کا خواب ! خواہشمند افراد کے لیے اہم خبر آگئی

لاہور : وزیراعلیٰ پنجاب مریم نواز  نے اپنا گھر بنانے کے خواہشمند افراد کے خواب کی تکمیل کے لئے اپنی چھت اپنا گھر منصوبے کی رفتار مزید تیز کرنے کی ہدایت کردی۔

تفصیلات کے مطابق وزیراعلیٰ پنجاب مریم نواز نے کی زیر صدارت “اپنی چھت اپنا گھر” منصوبے پر اہم اجلاس ہوا، جس میں مریم نواز کو منصوبے کی موجودہ صورتحال پر تفصیلی بریفنگ دی گئی۔

اجلاس میں بتایا گیا کہ 51 ہزار سے زائد خاندانوں کا خواب حقیقت بن گیا ہے ، جس پر مریم نواز کی اپنی چھت اپنا گھر منصوبے کی رفتار مزید تیز کرنے کی ہدایت کردی۔

بریفنگ میں کہا گیا کہ پلیٹ فارم سے 51 ہزار 911 نادار خاندانوں کو قرض فراہم کیا جا چکا ہے اور اب تک 60 ارب 50 کروڑ روپے کی خطیر رقم تقسیم کی جا چکی ہے جبکہ 45,178 گھر زیر تعمیر جبکہ 6,160 گھر مکمل ہو چکے ہیں۔

مزید پڑھیں :  گھر خریدنے کے خواہشمند افراد کیلئے قرضہ اسکیم متعارف

اس موقع پر وزیراعلیٰ پنجاب نے کہا کہ جس دن ایک غریب کے سر پر چھت آ جاتی ہے ریاست کامیاب ہو جاتی ہے، روایتی سیاست کا دروازہ بند کیا اور خدمت کا در کھول دیا۔

ان کا کہنا تھا کہ یہ محض اینٹوں اوردیواروں کا منصوبہ نہیں نادارافراد کیلئے نئی زندگی کا آغاز ہے، اتنے بڑے پیمانے پرغریب، بے گھر خاندانوں کیلئے عملی اقدامات پہلی بار ہو رہے ہیں، میری دن رات کوشش ہے کہ پنجاب کا کوئی شہری بغیر چھت کے نہ رہے۔