لاہور : مسلم لیگ ن کی چیف آرگنائزر مریم نواز نے اپنے والد نواز شریف کو خوش آمدید کہتے ہوئے کہا کہ میری زندگی کا شاید آج سب سے بڑا دن ہے۔
تفصیلات کے مطابق سابق وزیراعظم نواز شریف کی صاحبزادی اور مسلم لیگ ن کی چیف آرگنائزر مریم نواز شریف نے والد کی پاکستان آمد پر سماجی رابطے کی ویب سائٹ ٹوئٹر ایکس پر اپنے پیغام میں کہا کہ میری زندگی کا شاید آج سب سے بڑا دن ہے، اللہ ربّ العزت کی شکر گزار ہوں۔
مریم نواز کا کہنا تھا کہ نواز شریف نے 24 سال میں جتنے دکھ اور تکالیف اٹھائیں شاید ہی کوئی مثال ہو، نوازشریف کے کچھ زخم ایسے ہیں جو کبھی نہیں بھر پائیں گے۔
ن لیگی رہنما نے کہا کہ جتنے عروج بھی نواز شریف نے دیکھے وہ بھی شائد کسی اور کے حصے میں نہ آئے ہوں، پاکستان آج نواز شریف کاایک اورعروج دیکھنےجا رہا ہے، ان شااللہ ، آ جا تینوں اکھیاں اُڈیکدیاں ۔۔ خوش آمدید نواز شریف۔
میری زندگی کا شاید آج سب سے بڑا دن ہے۔ میں اللّہ ربّ العزت کی شکر گزار ہوں۔ جتنے دکھ اور تکالیف نواز شریف نے پچھلے 24 سالوں میں سہے، شاید ہی اس کی کوئی مثال ہو، اور انکے کچھ زخم ایسے ہیں جو کبھی نہیں بھر پائیں گے مگر جتنے عروج بھی نواز شریف نے دیکھے وہ بھی شائد کسی اور کے حصے میں…
— Maryam Nawaz Sharif (@MaryamNSharif) October 21, 2023
خیال رہے سابق وزیراعظم نواز شریف کی وطن واپس پہنچ گئے اور اسلام آباد ائیرپورٹ پر خصوصی طیارہ دبئی سے پاکستان لینڈ کرگیا۔
نواز شریف اسلام آباد ایئرپورٹ پر کچھ دیر قیام کے بعد لاہور روانہ ہوں گے، جہاں آج رات مینارپاکستان پر خطاب کریں گے۔