کراچی : شہرقائد کے مختلف علاقوں میں صبح 4 بجے اچانک بجلی غائب ہوگئی، شہر کا بڑا حصہ تاریکی میں ڈوب گیا۔
تفصیلات کے مطابق کے الیکٹرک نے کراچی والوں کی نیندیں حرام کردیں، صبح 4 بجے بجلی کا بریک ڈاؤن ہوا اور 5 گھنٹے سے زائد کا وقت گزرنے کے باوجود اب تک بجلی بحال نہ ہوسکی۔
گارڈن، لانڈھی، گلستان جوہر، کلفٹن، ملیر ہالٹ، اولڈ سٹی ایریا سمیت متعدد علاقوں میں بھی بجلی معطل ہے۔
دوسری جانب کے الیکٹرک کا کہنا ہے کہ متاثرہ علاقوں میں بحالی کا کام جاری ہے جبکہ ایئرپورٹ، لیاری، جناح اور سول جیسے اہم اسپتالوں میں بجلی کی فراہمی کو یقینی بنایا گیا ہے۔
Some parts of Karachi are experiencing interruption in power supply due to tripping in our EHT network. Few affected areas have already been restored whereas teams are working to normalize remaining areas as soon as possible. Please check back with us in one hour for next update.
— KE (@KElectricPk) October 2, 2018
Update: Restoration work continues to progress in affected areas. Power supply to airport and key hospitals such as Lyari, Civil and Jinnah ensured; remaining areas to be normalised soon.
— KE (@KElectricPk) October 2, 2018
ترجمان کے الیکٹرک کے مطابق عملہ متاثرہ علاقوں میں بجلی کی جلد اور مکمل بحالی کے لیے کوشاں ہے جبکہ بیشترعلاقوں میں بجلی بحال کردی گئی ہے۔
کراچی میں بجلی کا بڑا بریک ڈاؤن، متعدد علاقے اندھیرے میں ڈوب گئے
یاد رہے کہ رواں سال اگست میں شہر قائد میں ایک ہفتے میں بجلی کا دوسرا بڑا بریک ڈاؤن ہوا تھا۔