کراچی: پاکستانی اداکارہ اور حال ہی میں گلوکاری کے میدان میں قدم رکھنے والی مہوش حیات کے بھائی دانش حیات نوجوان ماڈل فائزہ اشفاق ازدواجی بندھن میں بندھ گئے۔
تفصیلات کے مطابق دانش حیات اور فائزہ اشفاق کی شادی کی تقریب گزشتہ رات منعقد ہوئی جس میں معروف شوبز شخصیات نے شرکت کی اور نوبیاہتا جوڑے کو مبارک باد پیش کی۔
شادی کی تقریب شاہراہ فیصل پر واقع ہوٹل میں منعقد ہوئی جس میں ساتھی فنکاروں نے بھی شرکت کی۔ تقریب کی مناسبت سے شاندار میوزیکل نائٹ کا اہتمام بھی کیا گیا۔
دانش حیات اداکارہ کے چھوٹے بھائی ہیں اور وہ بھی شوبز کی دنیا میں اپنا نام بنانے کی کوشش کررہے ہیں، فائزہ اشفاق اور دانش کی ملاقات نجی کمپنی کے شوٹ کے دوران ہوئی۔
ویڈیو