کراچی: اے آر وائی ڈیجیٹل کے مقبول ڈرامے ’میرے پاس تم ہو‘ کی ہر قسط ایک نیا ریکارڈ قائم کررہی ہے۔
ویڈیو شیئرنگ کی ویب سائٹ یوٹیوب پر شیئر ہونے والی ڈرامے کی ہر قسط کو لاکھوں صارفین دیکھ چکے ہیں اور اُن کا تجسس ہر نئی قسط کے ساتھ بڑھتا جارہا ہے۔
رواں ہفتے نشر ہونے والی 15ویں قسط میں ڈرامے کے دو اہم کردار ہمایوں سعید اور عدنان صدیقی کے درمیان جھگڑا دکھایا گیا، جس میں دانش نے شہوار کے منہ پر تھپڑ مارا اور اُسے تشدد کا نشانہ بھی بنایا۔
دانش اور شہوار کے درمیان تلخ کلامی اُس وقت شروع ہوئی جب دانش نے کہا کہ ’مہوش نے خودکو شہوار کے سامنے فروخت کردیا مگر یہ حیران کن ہے کہ اُس نےبیٹے رومی کو فروخت نہیں کیا‘۔
مزید پڑھیں: ’ڈرامے میں ایک نہیں دو قتل ہوں گے‘
ڈارمے کا یہ منظر اور دونوں کرداروں کی لڑائی سماجی رابطے کی ویب سائٹ پر زیر بحث رہی اور صارفین نے ویڈیوز شیئر کیں۔اطلاعات کے مطابق ہفتے کے روز نشر ہونے والی قسط کو اب تک 70 لاکھ سے زائد لوگ دیکھ چکے ہیں۔
https://www.facebook.com/arydigital.tv/videos/958542411195490/
ہمایوں سعید نے سماجی رابطے کی ویب سائٹ شائقین کا شکریہ ادا کرتے ہوئے لکھا کہ ’ میں اس بات کا اعتراف کرتا ہوں کہ حیران کن سین عدنان صدیقی اور اُن کی اداکاری کی وجہ سے ہی ممکن ہوا‘۔
Thank you for all the love and appreciation! It kind of feels strange to ‘like’ or respond to all the excitement on someone being hit though. I have to admit credit goes to Adnan Siddiqui whose wonderful reaction to my action has made this sequence such a success @adnanactor pic.twitter.com/lUV1n1p4Mw
— Humayun Saeed (@iamhumayunsaeed) November 24, 2019
https://www.facebook.com/arydigital.tv/videos/2614330102018560/