(2 اگست 2025): میانوالی میں موبائل فون کی سم فروخت کرنے والی لڑکی کو ملزمان نے مبینہ اجتماعی جنسی زیادتی کا نشانہ بنا دیا۔
پولیس حکام نے بتایا کہ لڑکی کو مبینہ اجتماعی جنسی زیادتی کا نشانہ بنانے کا واقعہ کندیاں جنگل میں پیش آیا، متاثرہ نجی موبائل کمپنی کی سم فروخت کرنے کا کام کرتی ہے۔
پولیس حکام نے بتایا کہ واقعے میں دو ملزمان ملوث ہیں، متاثرہ لڑکی نے خود 15 پر کال کر کے اپنے ساتھ پیش آئے واقعے کی اطلاع دی، ملزمان کی تلاش کیلیے جدید ٹیکنالوجی کا سہارا لیا جا رہا ہے۔
یہ بھی پڑھیں: شوہر کے سامنے خاتون سے مبینہ زیادتی کرنیوالے ملزمان پولیس مقابلے میں ہلاک
ایس پی انویسٹی گیشن میانوالی بدر منیر نے تھانہ کندیاں پہنچ کر مقدمہ اپنی نگرانی میں درج کروایا اور متاثرہ لڑکی کا میڈیکل کروانے کی ہدایت کی۔