قومی ٹیم کے فاسٹ بولر میر حمزہ کا کہنا ہے کہ خواب تھا میلبرن میں دنیا کی بہترین ٹیم کے خلاف کھیلوں۔
میلبرن میں کھیلے جارہے باکسنگ ڈے ٹیسٹ میں قومی ٹیم پہلی اننگز میں 264 رنز بنا کر آؤٹ ہوگئی، آسٹریلیا نے تیسرے روز کھیل کے اختتام پر 6 وکٹوں کے نقصان پر 187 رنز بنالیے ہیں اور اس کی برتری 241 رنز ہوگئی ہے۔
الیکس کیری 16 رنز کے ساتھ کریز پر موجود ہیں۔
پاکستان کی جانب سے شاہین آفریدی اور میر حمزہ نے تین، تین وکٹیں حاصل کیں۔
میچ کے بعد میڈیا سے گفتگو کرتے ہوئے فاسٹ بولر میر حمزہ نے کہا کہ باکسنگ ڈے ٹیسٹ جیت گئے تو ہمارے لیے یہ یادگار لمحہ ہوگا۔
انہوں نے کہا کہ ٹریوس ہیڈ کی وکٹ لینے پر خوشی ہے، میرا خواب تھا کہ میلبرن میں دنیا کی بہترین ٹیم کے خلاف کھیلوں، کوشش ہے کہ اپنی پرفارمنس سے ٹیم کو کامیاب دلواؤں۔
@mirhamza_k‘s press conference following the third day’s play of the MCG Test #AUSvPAK pic.twitter.com/QVWkG7CP2W
— Pakistan Cricket (@TheRealPCB) December 28, 2023