اسلام آباد : ملک بھر میں465ماڈل کورٹس نے آج مجموعی طور پر717مقدمات کا فیصلہ سنا دیا، ایک مجرم کو پھانسی جبکہ08 کو عمرقید کی سزا سنائی گئی، عدالتوں نے گواہان کے بیانات قلمبند کیے۔
تفصیلات کے مطابق پاکستان بھر کی ماڈل کورٹس میں مقدمات کی تیز ترین سماعتیں جاری ہیں، جمعہ کو ملک بھر میں قائم465ماڈل کورٹس نے مجموعی طور پر717 مقدمات کے فیصلے سنائے، جبکہ182ماڈل کریمنل ٹرائل کورٹس نے127مقدمات کا فیصلہ سنایا۔
عدالتوں نے ایک مجرم کو سزائے موت جبکہ8کو عمر قید کی سزائیں سنائیں، فیصلوں کے مطابق مجموعی طور پر42مجرمان کو48سال قید،2577900 روپے جرمانے کی سزا دی گئی۔
اس کے علاوہ125سول ایپلٹ کورٹس نے311دیوانی، فیملی اور رینٹ اپیلوں کے فیصلے کیے،158ماڈل مجسٹریٹس عدالتوں نے279مقدمات کے فیصلے کردیے جس میں مجموعی طور پر93مجرمان کو45سال قید،2247230روپے جرمانہ کی سزا سنائی گئی۔