سابق کپتان محمد حفیط نے پاکستان کرکٹ ٹیم کے ڈائریکٹر کا عہدہ چھوڑ دیا ہے پی سی بی نے اس کی تصدیق کر دی ہے۔
پاکستان کرکٹ ٹیم کے سابق کپتان محمد حفیظ جنہیں دورہ آسٹریلیا سے قبل ٹیم ڈائریکٹر کو عہدہ تفویض کیا گیا تھا انہوں نے اپنے عہدے سے استعفیٰ دے دیا ہے۔
اس حوالے سے پاکستان کرکٹ بورڈ کی جانب سے جاری اعلامیے میں ٹیم ڈائریکٹر کا عہدہ چھوڑنے کے باوجود محمد حفیظ کے لیے نیک خواہشات کا اظہار کیا گیا ہے اور ان کی پاکستان کرکٹ کے لیے خدمات کو سراہتے ہوئے ٹیم سے وابستگی پر تہہ دل سے شکریہ ادا کیا ہے۔
The Pakistan Cricket Board extends heartfelt gratitude to Mohammad Hafeez, Director Pakistan men’s cricket team, for his invaluable contributions. Hafeez's passion for the game has inspired players and his mentorship during the tour of Australia and New Zealand have been of… pic.twitter.com/AM4IKbm0vB
— Pakistan Cricket (@TheRealPCB) February 15, 2024
ٹیم ڈائریکٹر کے حیثیت سے محمد حفیظ کا مختصر سفر خوشگوار نہ رہا ہے اور ان کے دور میں پاکستان کو آسٹریلیا کے حالیہ دورے میں ٹیسٹ سیریز میں وائٹ واش کی خفت کا سامنا کرنا پڑا تو نیوزی لینڈ سے پانچ میچوں کی ٹی ٹوئنٹی سیریز میں چار ایک سے شکست ہوئی۔
محمد حفیط کے دورہ نیوزی لینڈ کے دوران ہی قومی ٹیم کے کھلاڑیوں سے اس وقت تناؤ پیدا ہو گیا تھا جب انہوں نے ٹیم ڈائریکٹر کے حیثیت سے کھلاڑیوں کو غیر ملکی ٹی ٹوئنٹی لیگز کے لیے این او سی دینے سے انکار کیا تھا جب کہ کھلاڑیوں کی کارکردگی سے بھی خوش نہیں تھے۔
واضح رہے کہ سابق کپتان حفیظ نے پاکستان کی نمائندگی کرتے ہوئے 55 ٹیسٹ، 218 ون ڈے اور 119 ٹی20 مقابلوں میں 12 ہزار 780 رنز بنائے جبکہ 253 وکٹیں حاصل کر رکھی ہیں۔