قومی ٹیم میں میچ ونر کے طور پر پہنچان بنانے والے تجربہ کار آل راؤنڈر محمد نواز کراچی کنگز کی نمائندگی کرتے ہوئے پی ایس ایل 9 کے افق پر چھانے کو تیار ہیں۔
بائیں ہاتھ کے آل راؤنڈر اپنی صلاحیتوں کا بھرپور اظہار کرتے ہوئے کراچی کنگز کے ترکش میں اہم ہتھیار ثابت ہوں گے۔ ان کی شمولیت سے سابق چیمپئن کے بیٹنگ اور بولنگ کے شعبے میں مزید گہرائی آئی ہے۔
اکبر پورہ، راولپنڈی سے تعلق رکھنے والے نواز بلاشبہ پی ایس ایل سے ابھرنے والے نئے ٹیلنٹ میں سے ایک ہیں۔
انہوں نے لیگ کے افتتاحی ایڈیشن میں کوئٹہ گلیڈی ایٹرز کی نمائندگی کی اور فوری طور پر اپنی مہارتوں سے اپنا نام روشن کیا۔ نواز 13وکٹوں کے ساتھ ٹورنامنٹ میں تیسرے سب سے زیادہ وکٹ لینے والے بولر کے طور پر ختم سامنے آئے۔
ان کا ناقابل یقین سیزن انہیں قومی ٹیم کے سلیکٹرز کے ریڈار پر لے آیا اور انہیں بنگلہ دیش میں ہونے والے 2016 کے ایشیا کپ کے لیے پاکستان کی ٹیم میں شامل کیا گیا۔ انہوں نے اسی سال ون ڈے اور ٹیسٹ میں بھی ڈیبیو کیا۔
اپنے بین الاقوامی ڈیبیو کے بعد، محمد نواز نہ صرف پاکستان بلکہ اپنی پی ایس ایل فرنچائز کے لیے بھی آٹھ سال تک چمکتے رہے۔ انہوں نے پچھلے ایڈیشن میں بھی گلیڈی ایٹرز کی قیادت کی، وہ وکٹ کیپر بلے باز سرفراز احمد کے بعد فرنچائز کے دوسرے کپتان بنے۔
اس کے بعد انہیں فرنچائز نے ریلیز کیا اور وہ پی ایس ایل 9 پلیئرز ڈرافٹ میں سب سے زیادہ مقبول انتخاب میں ایک بن گئے۔
ان کی ہمہ جہت صلاحیتوں کا اعتراف کرتے ہوئے، کراچی کنگز نے کوئی وقت ضائع نہیں کیا اور پلاٹینم کیٹیگری میں اپنے دوسرے انتخاب کے طور پر شامل کیا۔
کنگز کے اسکواڈ میں ان کی شمولیت سے ٹیم کے لیے حیرت انگیز کام کرنے کی امید ہے۔ وہ نہ صرف اپنی غیرمعمولی بلے بازی اور باؤلنگ کی مہارت سے اپنا حصہ ڈال سکتا ہیں بلکہ میدان میں ان کی موجودگی بھی غیر معمولی سے کم نہیں ہے۔
اگرچہ محمد نواز نے خود کو متعدد بار آل فارمیٹ کے کھلاڑی کے طور پر ثابت کیا لیکن T20 فارمیٹ میں انہوں نے سب سے زیادہ شاندار کارکردگی کا مظاہرہ کیا۔
انہوں نے اب تک 242 کھیلیں ہیں اور 24 رنز کے عوض 5 وکٹوں کے بہترین کیریئر پرفارمنس کے ساتھ 194 شکار کر چکے ہیں۔ آل راؤنڈر نے آٹھ نصف سنچریوں کی مدد سے 22 کی اوسط سے 2857 رنز بھی بنائے ہیں۔
محمد نواز کراچی کنگز کے ساتھ اپنی عمدہ کارکردگی کا مظاہرہ کرتے ہوئے سفر کو یادگار بنانے کا عزم رکھتے ہیں۔