شوبز انڈسٹری کی معروف اداکارہ مومنہ اقبال نے اپنے پسندیدہ اداکار کا نام بتا دیا۔
اداکارہ مومنہ اقبال نے حال ہی میں اے آر وائی ڈیجیٹل کے ڈرامہ سیریل ’دستک‘ میں ’فریال‘ کا کردار نبھایا جسے مداحوں کی جانب سے بھرپور پذیرائی ملی۔
اداکارہ حال ہی میں میشن پاکستان کے ساتھ مختصر چٹ چیٹ سیشن میں نظر آئیں جہاں انہوں نے اپنے پسندیدہ اداکار کے بارے میں بات کی جو انہیں ہمیشہ متاثر کرتا ہے۔
مومنہ اقبال نے کہا کہ ’میں صبا قمر سے محبت کرتی ہوں، وہ میری پسندیدہ اداکارہ ہیں، میں ان کی اداکاری سے چیزیں چنتی ہوں اور ان کی شخصیت سے چیزیں لیتی ہوں، وہ بالکل پرفیکٹ ہیں۔
انہوں نے ظاہری لباس کے حوالے سے کہا کہ مجھے فواد خان اور صبا قمر پسند ہیں۔
یہ پڑھیں: مومنہ اقبال نے پوسٹ پر منفی تبصرے کرنے والوں کو خبردار کردیا
اس سے قبل مومنہ اقبال اپنی تصاویر اور پوسٹس پر منفی تبصرے کرنے والوں پر برس پڑی تھیں۔
انہوں نے لکھا تھا کہ ’میں نے یہ متعدد مرتبہ پہلے بھی کہا تھا کہ اپنی گندی ذہنیت اور خراب باتوں کو لیکر میری تصاویر یا پروفائل پر مت آیا کریں، اپنی چھوٹی سوچ اپنے گھر تک ہی محدود رکھیں۔‘
مومنہ اقبال کا کہنا تھا کہ ’اگر ان لوگوں نے ایسا کرنے سے گریز نہ کیا تو میں سخت اقدام لوں گی، اور وہ تمام لوگ سن لیں جو یہ سوچتے ہیں کہ فیک آئی ڈی کی آڑ میں کچھ بھی کرتے رہیں گے اور مجھے معلوم نہیں چلے گا، ایسا نہیں ہے، انکے ساتھ بھی بہت کچھ ہوسکتا ہے، کیونکہ ہر بکواس کو نظر انداز نہیں کیا جاسکتا ہے۔