اسلام آباد : حکومت کی جانب سے اراکین پارلیمنٹ کو پروجیکٹس کیلئے اقساط میں پیسےریلیز کرنے کا عمل شروع کردیا اور ایم این ایز کو 20 ارب روپےسےزائد جاری کردیئے ہیں۔
تفصیلات کے مطابق حکومت کی جانب سےاراکین پارلیمنٹ کیلئے ترقیاتی بجٹ کی مد میں 61 ارب روپے کی فراہمی کے سلسلے کا آغاز کردیا گیا۔
ذرائع پلاننگ کمیشن نے بتایا کہ ایم این ایزکو پروجیکٹس کیلئے اقساط میں پیسے ریلیز کرنے کا عمل شروع ہوگیا ہے ، ایس ڈی جیز کےتحت ایم این ایز کو 20 ارب روپے سے زائد جاری کر دیئے گئے ہیں۔
ذرائع کا کہنا تھا کہ اگست تک 61 ارب روپےسے زائد کی رقم جاری کر دی جائے گی، اگست تک 20 ارب روپےگزشتہ سال کےاور 41 ارب رواں مالی سال کے جاری ہوں گے اور پورے سال کیلئے مختص 90 ارب میں سے 41 ارب روپے موجودہ حکومت خرچ کرے گی۔
ذرائع کے مطابق وزارت خزانہ نے اسکیموں کیلئے فنڈز جاری کرنے کی گزشتہ ہفتہ اجازت دی تھی،فنڈز کا اجرا وزارت خزانہ کے گزشتہ ہفتہ فائنل کیے گئےمیمورینڈم کی بنیاد پر کیا گیا اور پی ایس ڈی پی کی مد میں 142 ارب 50 کروڑ روپے سے زائد کی رقم جاری کر دی گئی ہے۔