بنوں: نیشنل ہائی ویز اینڈ موٹر وے پولیس نے شدید دھند کے باعث ایم 14 موٹر وے کو گاڑیوں کی آمدو رفت کے لئے کیلئے بند کر دیا ہے۔ جبکہ سی پیک روٹ موٹروے کوعیسٰی خیل انٹر چینج سے بند کر دیا گیا ہے۔
اے آر وائی نیوز کے مطابق ترجمان موٹروے پولیس کی طرف سے جاری بیان کے مطابق موٹروے بند کرنے کا مقصد حادثات سے بچاؤ اور موٹروے استعمال کرنے والوں کے جان و مال کا تحفظ ہے، شہریوں سے درخواست ہے کہ دھند کہ اوقات میں غیر ضروری سفر سے گریز کریں۔
اپنا سفر دن کی روشنی میں مکمل کر کے دھند کے آغاز سے پہلے اپنے منزل مقصود تک پہنچ جائیں – گاڑیوں میں فوگ لائٹس کا استعمال کریں، تیز رفتاری سے گریز کریں اور اگلی گاڑی سے مناسب فاصلہ معمول سے زیادہ رکھیں۔
پنجاب میں شدید دھند، موٹر وے مختلف مقامات سے بند
ترجمان موٹروے پولیس نے کہا کہ سفر شروع کرنے سے پہلے موٹروے پولیس ہیلپ لائن 130 یا نیشنل ہائی ویز اینڈ موٹروے پولیس کے آفیشل سوشل میڈیا اکاؤنٹ سے بھی تازہ ترین معلومات ضرور حاصل کر لیں۔