سابق بھارتی آل راؤنڈر یووراج سنگھ کے والد یوگراج سنگھ نے مہندر سنگھ دھونی پر کڑی تنقید کردی۔
بھارتی میڈیا رپورٹس کے مطابق سابق بھارتی کرکٹر یووراج سنگھ کے والد یوگراج کا کہنا ہے کہ دھونی نے میرے بیٹے کا کیریئر تبا کیا میں اسے کبھی معاف نہیں کروں گا۔
یوگراج سنگھ کے مطابق’ میں نے اپنی زندگی میں دو چیزیں نہیں کیں جس نے کوئی کام غلط کیا ہو اسے کبھی معاف نہیں کیا اور دوسرا کبھی گلے نہیں لگایا ‘۔
انہوں نے کہا کہ دھونی کو شیشے میں اپنا چہرہ دیکھنا چاہیے اب سب کچھ سامنے آرہا ہے، یہ کبھی معاف نہیں کیا جا سکتا ‘۔
انہوں نے مزید کہا کہ ’میرا بیٹا 4 ، 5 سال مزید کھیل سکتا تھا ، گوتم گھمبیر اور وریندر سہواگ کہہ چکے ہیں کوئی دوسرا یووراج سنگھ نہیں ہو سکتا، بیٹے کو کینسر کے ساتھ کھیلنے پر بھارت کو اسے بھارت رتنا ایوارڈ دینا چاہیے‘۔
واضح رہے کہ اس سے قبل بھی یوگراج سنگھ سابق بھارتی کپتان دھونی پر بیٹے کو ٹیم سے نکالنے سمیت کئی الزام عائد کرچکے ہیں۔
یاد رہے کہ یوگراج سنگھ بھارت کی جانب سے ایک ٹیسٹ اور 6 ون ڈے کھیل چکے ہیں۔