ملتان(30 جولائی 2025): بچی کیساتھ نازیبا حرکت کرنے والت ملزم کو پولیس نے زخمی حالت میں گرفتار کرلیا۔
تفصیلات کے مطابق ملتان کے علاقے المصطفیٰ کالونی میں بچی کے ساتھ نازیبا حرکت کرنے والے ملزم کو زخمی حالت میں گرفتار کر لیا گیا، پولیس کا کہنا ہے کہ ملزم کی شناخت عادل ولد غفور کے نام سے ہوئی ہے جو مقامی رہائشی ہے۔
واقعے کی سی سی ٹی وی فوٹیج سوشل میڈیا پر وائرل ہونے کے بعد پولیس نے فوری کارروائی کی، ملزم نے بچی کے ساتھ بدتمیزی کی کوشش کی، ملزم کی موجودگی کی اطلاع پر جب سی سی ٹی ٹیم نےکارروائی کی تو ملزم نے ٹیم پر فائرنگ کردی۔
سی سی ڈی حکام کا کہنا ہے کہ گرفتاری کے خوف سے جلد بازی میں ملزم اپنے ہی فائر سے زخمی ہوا، ملزم کیخلاف تھانہ بی زیڈ میں قتل کا مقدمہ درج ہے، ملزم نے 2023 میں اپنے بھائی کو قتل کیا تھا۔
پولیس کا کہنا ہے کہ ملزم کو حراست میں لے کر مقدمہ درج کر لیا اور تفتیش شروع کر دی ہے۔ ابتدائی رپورٹس کے مطابق ملزم کے خلاف قانونی کارروائی جاری ہے۔
دوسری جانب اس واقعے کے حوالے سے ماہر نفسیات ڈاکٹر نوشابہ نے اے آروائی سے گفتگو میں کہا کہ بچوں کو کمزور سمجھ کر ٹارگٹ کیا جاتا ہے یہ ذہنی بیماری ہے۔
انہوں نے کہا کہ اس میں ہوس اور ہرس بڑھتی جاتی ہے، ہمارے معاشرےمیں حیا کی تربیت بچیوں تک محدود کی جاتی ہے، ماؤں سے درخواست ہے اپنے بیٹوں کو بھی حیا کی تربیت دیں۔
حالیہ واقعات
حیال رہے کہ پنجاب میں اس طرح کے واقعات سوشل میڈیا کی وجہ سے زیادہ نمایاں ہوئے ہیں، مئی میں لاہور کے علاقے گرین ٹاؤن میں ایک موٹرسائیکل سوار شخص نے دو کم عمر بچیوں کے ساتھ نازیبا حرکات کی تھی۔
لاہور ڈیفینس میں مئی کے مہنے میں ہی اک 12 سالہ بچی کو دکان سے واپسی پر گاڑی پر سوار ملزم طیب نے ہراساں کیا اور نازیبا اشارے کیے۔ پولیس نے سی سی ٹی وی فوٹیج کی مدد سے ملزم کو گرفتار کرلیا تھا۔
روک تھام کے لیے تجاویز
والدین کو چاہیے کہ وہ بچوں کے ساتھ دوستانہ ماحول میں بات چیت کریں اور انہیں نامناسب رویوں سے بچنے کی تعلیم دیں، جنسی استحصال کے ملزمان کے خلاف سخت سزاؤں پر عمل درآمد بھی ضروری ہے۔