سی سیکشن آپریشن کرنے والا ’منا بھائی ایم بی بی ایس‘ گرفتار

(7 اگست 2025): بھارتی ریاست آسام میں خواتین کے درجنوں سی سیکشن آپریشن کرنے والا ’منا بھائی ایم بی بی ایس‘ گرفتار کر لیا گیا۔

انڈین میڈیا کے مطابق بالی وڈ اداکار سنجے دت کی فلم ’منا بھائی ایم بی بی ایس‘ سے متاثر ہو کر جعلی ڈاکٹر نے آسام کے سلچر میں تقریباً 50 سی سیکشن آپریشن (گائناکولوجیکل سرجری) کیں۔

جعلی ڈاکٹر کی شناخت پلوک ملاکر کے نام سے ہوئی جو بطور ماہر امراض نسواں مشہور تھا اور سلچر کے دو نجی اسپتالوں میں تقریباً ایک دہائی سے خواتین کے آپریشن کر رہا تھا۔

پولیس نے ملزم کو اُس وقت گرفتار کیا جب وہ آپریشن تھیٹر میں خاتون کا سی سیکشن آپریشن کرنے میں مصروف تھا۔

ایک سینئر پولیس افسر نے بتایا کہ ہم نے اس کے بارے میں معلومات حاصل کیں اور تحقیقات شروع کیں، تمام دستاویزات کی تصدیق کے بعد ہم نے اس کے تمام سرٹیفکیٹ جعلی پائے، وہ ایک جعلی میڈیکل پریکٹیشنر تھا اور کئی سالوں سے کاروبار چلا رہا تھا۔

پلوک ملاکر کو مقامی عدالت میں پیش کیا گیا جہاں اسے پانچ دن کیلیے پولیس حراست میں یا گیا۔

واضح رہے کہ حکومت نے میں جعلی ڈاکٹروں کے خلاف بڑے پیمانے پر کریک ڈاؤن شروع کر رکھا ہے۔

وزیر اعلیٰ ہمانتا سرما کی حکومت نے اس سال جنوری میں ایک خصوصی یونٹ تشکیل دیا جو ریاستی پولیس کے ساتھ کام کرتا ہے۔ یونٹ نے اب تک 10 سے زائد مقدمات پریکٹس کرنے والوں اور جعلی ڈاکٹروں کے خلاف درج کروائے ہیں۔