کراچی: وزیراعلیٰ سندھ مراد علی شاہ نے کہا کہ سندھ حکومت گیس کی قیمتیں بڑھانےکے حق میں نہیں ہے۔
تفصیلات کے مطابق وزیراعلیٰ سندھ مراد علی شاہ کی زیرصدارت محکمہ توانائی کا اجلاس ہوا جس میں وفاقی حکومت کوسی سی آئی اجلاس بلانے کے لیے خط لکھنے کا فیصلہ کیا گیا۔
وزیراعلیٰ سندھ نے اجلاس سے خطاب کرتے ہوئے کہا کہ سی سی آئی کا اجلاس گزشتہ 3ماہ سے نہیں ہوا، سندھ سے پیدا ہونے والی گیس پرپہلا حق سندھ کا ہے۔
مراد علی شاہ نے کہا کہ یہ گیس ہمیں ملنی چاہیے گھریلوضروریات کے بعد بجلی پیدا کرسکیں، سندھ کی گیس کم کرکے فرٹیلائزروبجلی پیدا کی جا رہی ہے۔
انہوں نے کہا کہ گیس پوری نہیں مل رہی توپروڈکشن کے اعتبارسے قیمت ملنی چاہیے، سندھ حکومت گیس کی قیمتیں بڑھانے کے حق میں نہیں ہے۔
سندھ کی گیس سندھ والوں کو ہی نہیں مل رہی، مراد علی شاہ
یاد رہے کہ رواں ماہ 10 فروری کو وزیراعلیٰ سندھ سید مراد علی شاہ کا کہنا تھا کہ سندھ کی گیس سندھ والوں کو ہی نہیں مل رہی۔