اسلام آباد: نیشنل ڈیٹا بیس اینڈ رجسٹریشن اتھارٹی (نادرا) نے اسلام آباد کے شہریوں کیلیے زبردست سہولت کا آغاز کر دیا جس سے ان کی مشکلات آسان ہو گئیں۔
نادرا نے ملکی دارالحکومت اور نواحی علاقوں کے شہریوں کیلیے شناختی دستاویزات کی تمام خدمات ایک جگہ منتقل کر دیں، اس سہولت کا آغاز آج 9 جولائی 2025 کو صبح 8:30 بجے سے ہوگیا ہے جو شام 4:30 بجے تک جاری رہے گا۔
یہ بھی پڑھیں: نادرا نے شہریوں کیلیے انتباہ جاری کر دیا
شہری شناختی دستاویزات سے متعلق تمام خدمات حاصل کرنے کیلیے پولیس فیسلیٹیشن سینٹر اسلام آباد کا دورہ کر سکتے ہیں جہاں درج ذیل خدمات فراہم کی جائیں گی:
- کمپیوٹرائزڈ قومی شناختی کارڈ
- ب فارم
- فیملی رجسٹریشن سرٹیفکیٹ
- ازدواجی حیثیت کی تبدیلی
- شناختی دستاویزات کی منسوخی بوجہ فوتگی
- نادرا کی دیگر خدمات
اس سے قبل نادرا نے شہریوں کی آسانی کیلیے تمام خدمات اسلام آباد کے علاقے سید پور، سہالہ، ماڈل ٹاؤن، کورال، آئی ٹین فور، چکوال کے علاقے مرید اور گجرات کے علاقے دولت نگر کی یونین کونسلز دستیاب کر دی تھیں۔
شہری اب اپنی متعلقہ یونین کونسل میں شناختی دستاویزات کی تمام خدمات حاصل کر سکتے ہیں۔ خدمات میں قومی شناختی کارڈ، ب فارم، فیملی رجسٹریشن سرٹیفکیٹ، ازدواجی حیثیت کی تبدیلی، شناختی کارڈ کی منسوخی و دیگر سہولیات دستیاب ہیں۔