نادرا سے مسائل کا ازالہ کروانے کا سنہری موقع

نیشنل ڈیٹا بیس رجسٹریشن اتھارٹی (نادرا) شہریوں کے مسائل کے ازالے کے لیے کھلی کچہری کا انعقاد کرے گا۔

نادرا کی جانب سے جاری کردہ سوشل میڈیا پوسٹ کے مطابق شہریوں کے مسائل کے ازالے کے لیے کھلی کچہری 29 اگست کو سیمنس چورنگی اور نارتھ ناظم آباد میں منعقد کی جائے گی۔

سیمنس چورنگی میں میگا سینٹر سائٹ انڈسٹریل ایریا میں صبح 11 سے 12 بجے منعقد کی جائے گی۔

میگا سینٹر نارتھ ناظم آباد، پلاٹ نمبر ڈی 1-15 بلاک ایل ڈسٹری وسطی کراچی میں صبح 10 سے 11 بجے تک کھلی کچہری ہوگی۔

نادرا کا کہنا ہے کہ اپنے علاقے کے شیڈول کے مطابق کھلی کچہری میں تشریف لائیں اور متعلق مسائل کا موقع پر ازالہ کروائیں۔

واضح رہے کہ چند روز قبل نادرا نے پاک آئی ڈی موبائل ایپ کے نئے ورژن میں پہلے سے زیادہ سہولت متعارف کرواتے ہوئے کم عمر بچوں کے والدین کےلیے اہم اعلان کیا گیا تھا۔

یہ پڑھیں: پاک آئی ڈی موبائل ایپ، نادرا نے والدین کےلیے بڑا اعلان کردیا

اب والدین 3 سال سے کم عمر بچوں کا ب فارم یا شناختی کارڈ بنوانے کےلیے موبائل گیلری سے تصویر اپ لوڈ کرسکیں گے۔

اس کے علاوہ اپنی دی ہوئی تصویر شناختی دستاویز پر پرنٹ کرانے، خاندان کے رہ جانے والے افراد کا ریکارڈ اپ ڈیٹ کرانے کےلیے بھی سہولت فراہم کی گئی ہے۔

فنگرپرنٹ یا چہرے کی تصدیق کے بغیر درخواست دینے کی سہولیات اور اردو میں زیادہ وضاحت کے ساتھ معلومات فراہم کرنے کا آپشن بھی نئے ورثن میں موجود ہے۔

نادارا کی جانب سے صارفین کو مشورہ دیا گیا تھا کہ وہ پاک آئی ڈی کے نئے ورژن کو ابھی اپ ڈیٹ یا ڈاؤن لوڈ کرکے بھرپور سہولت سے فائدہ اٹھاسکتے ہیں۔