کراچی (12 جولائی 2025): نیشنل ڈیٹا بیس اینڈ رجسٹریشن اتھارٹی (نادرا) نے شہر قائد کے شہریوں کیلیے نئے سینٹر میں خدمات کا آغاز کر دیا۔
نادرا نے کراچی ضلع جنوبی کے شہریوں کی بھرپور سہولت کیلیے ایم اے جناح روڈ پر کانڈا والہ بلڈنگ کی چوتھی منزل پر نئے رجسٹریشن سینٹر میں خدمات کا آغاز کیا ہے۔
یہ بھی پڑھیں: نادرا نے شہریوں کیلیے انتباہ جاری کر دیا
رجسٹریشن سینٹر میں ضلع جنوبی کے شہریوں کیلیے شناختی دستاویزات کی تمام خدمات تک رسائی اب زیادہ آسان ہو جائے گی، جدید سہولیات سے آراستہ مرکز میں تمام خدمات ایک چھت تلے دستیاب ہوں گی۔
رجسٹریشن سینٹر میں صبح 8:30 سے شام 4:30 بجے تک شہریوں کو خدمات کی فراہمی بلا تعطل جاری رہی گی۔ مرکز میں درج ذیل خدمات فراہم کی جائیں گی:
- کمپیوٹرائزڈ قومی شناختی کارڈ
- ب فارم
- فیملی رجسٹریشن سرٹیفکیٹ
- ازدواجی حیثیت کی تبدیلی
- شناختی دستاویزات کی منسوخی بوجہ فوتگی
- نادرا کی دیگر خدمات
چند روز قبل نادرا نے اسلام آباد کے شہریوں کیلیے زبردست سہولت کا آغاز کرتے ہوئے ان کی مشکلات آسان کر دیں۔
اتھارٹی نے ملکی دارالحکومت اور نواحی علاقوں کے شہریوں کیلیے شناختی دستاویزات کی تمام خدمات ایک جگہ منتقل کر دیں، اس سہولت کا آغاز آج 9 جولائی 2025 کو صبح 8:30 بجے سے ہوگیا ہے جو شام 4:30 بجے تک جاری رہے گا۔