گلوبل انڈیکس نے دنیا میں مقبول ترین ناموں کی فہرست جاری کی ہے جس میں سب سے اوپر جو نام ہے وہ اسم محمد ہے۔
دنیا کی ایک چوتھائی سے زائد آبادی مسلمانوں پر مشتمل ہے اور مسلمانوں کی اکثریت اپنے ناموں کے ساتھ نبی آخر الزماں محمد ﷺ کا نام لگاتے ہیں جب کہ یہ نام دنیا کے مقبول ترین ناموں کی فہرست میں شامل ہے۔
دنیا کے مقبول ترین ناموں سے متعلق گلوبل انڈیکس نے سال 2023 کی رینکنگ سے متعلق فہرست جاری کی ہے جس میں نام محمد سرفہرست رہا ہے۔
معیشت، سائنس، تعلیم، سفر، آرٹس، ٹیک، ڈیموگرافی، جغرافیہ، سیاست، ملٹری، نقشے، کھیل وغیرہ سے متعلق عالمی اعداد و شمار پر مبنی معلومات فراہم کرنے والے تصدیق شدہ ٹوئٹر اکاؤنٹ کی نئی رینکنگ کے مطابق دنیا بھر میں سب سے زیادہ استعمال کیا جانے والا مقبول ترین پہلا نام ’’محمد‘‘ ہے۔
گلوبل انڈیکس کے مطابق نام ’محمد‘ دنیا بھر میں تقریباً 13 کروڑ 33 لاکھ 49 ہزار 300 افراد کے ناموں سے پہلے استعمال ہوتا ہے۔
اس عالمی فہرست میں دوسرے نمبر پر جس نام نے جگہ پائی ہے وہ ماریہ ہے جو دنیا کے 6 کروڑ 11 لاکھ 34 ہزار 526 خواتین کا ہے۔ تیسرا نمبر نام ’نوشی‘ مقبول ترین ہے جو 5 کروڑ 58 لاکھ 98 ہزار 624 خواتین سے جڑا ہے۔
اس فہرست میں نام ’’احمد‘‘ چھٹے نمبر پر موجود ہے جو دنیا کے تقریباً ڈیڑھ کروڑ لوگوں کا نام ہے جب کہ آٹھویں نمبر پر ’’علی‘‘ نام رکھنے والے افراد کی تعداد ایک کروڑ 47 لاکھ 63 ہزار 733 ہے۔ فہرست میں 12 ویں نمبر پر موجود نام ’’عبدل‘‘ کے نام سے ایک کروڑ 21 لاکھ 63 ہزار 978 افراد ہیں۔
Most Popular First Names In The World:
Mohammed – 133,349,300
Maria – 61,134,526
Nushi – 55,898,624
Jose – 29,946,427
Wei – 17,145,807
Ahmed – 14,916,476
Yan – 14,793,356
Ali – 14,763,733
John – 14,323,797
David – 13,429,576
Li – 13,166,162
Abdul – 12,163,978
Ana – 12,091,132…— Global Index (@TheGlobal_Index) June 18, 2023
دنیا کے 25 ناموں پر مشتمل اس فہرست میں سب سے آخری مقبول نام ’’ہوئی‘‘ ہے جو چینی عوام میں معروف نام ہے اس کے علاوہ اس فہرست میں جن ناموں نے جگہ پائی ہے ان مین جوز، وی، یان، جان، ڈیوڈ، لی، اینا، ینگ، مائیکل، جوآن، میری، جین، روبرٹ، لوئس، کارلوس، جیمس، انتونیو اور جوزف بھی شامل ہیں۔