بھارتی اداکارہ نے مسلم نوجوان کو گاڑی سے کچل دیا

(30 جولائی 2025): بھارتی ریاست آسام سے تعلق رکھنے والی اداکارہ نندنی کشیپ نے سڑک پر مسلم نوجوان کو گاڑی سے کچل کر قتل کر دیا۔

انڈین میڈیا کے مطابق 25 جولائی 2025 کی رات 3 بجے نندنی کشیپ نے 21 سالہ طالب علم کو سڑک پر گاڑی سے ٹکر مار کر شدید زخمی کر دیا تھا اور موقع سے فرار ہوگئی تھیں۔

سمیع الحق نامی نوجوان کو شدید زخمی حالت میں اسپتال منتقل کیا گیا تھا جہاں وہ زیرِ علاج رہا اور آج انتقال کر دیا۔ مقتول نوجوان نلباری پولی ٹیکنک کا طالب علم اور گوہاٹی میونسپل کارپوریشن (جی ایم سی) میں پارٹ ٹائم ملازمت کرتا تھا۔

سی سی ٹی وی فوٹیج کے مطابق سمیع الحق ایک لائٹ انسٹالیشن پروجیکٹ پر کام کرنے کے بعد گھر واپس جا رہا تھا جب اسے ایک تیز رفتار گاڑی نے ٹکر مار دی جسے نندنی کشیپ چلا رہی تھیں۔

عینی شاہدین نے دعویٰ کیا کہ بھارتی اداکارہ زخمی نوجوان کو سڑک پر زخمی حالت میں چھوڑ کر فرار ہوگئی تھیں۔ ایک عینی شاہد نے گاڑی کا پیچھا کیا جو کاہلی پاڑہ کے ایک اپارٹمنٹ کمپلیکس میں داخل ہوئی تھی۔

پولیس نے ابتدائی طور پر بھارتی اداکارہ سے پوچھ گچھ کی تھی اور گاڑی ضبط کر لی تھی لیکن گرفتار نہیں کیا تھا۔ بعدازاں مقتول نوجوان نے پولیس میں نندنی کشیپ کے خلاف مقدمہ درج کروایا اور پولیس نے انہیں گرفتار کر لیا۔