اسلام آباد : وفاقی وزیر داخلہ نے اووربلنگ اور بجلی چوری روکنے کیلئے کریک ڈاؤن تیز کرنے کا حکم دیتے ہوئے کہا کہ بجلی صارفین کو اوور بلنگ میں ریلیف دینا ترجیح ہے۔
تفصیلات کے مطابق وفاقی وزیر داخلہ محسن نقوی نے اووربلنگ اور بجلی چوری روکنےکیلئےکریک ڈاؤن تیز کرنے کا حکم دے دیا۔
محسن نقوی نے کہا کہ اووربلنگ سےشہریوں پربوجھ ڈالنے والوں کیخلاف کارروائی جاری رکھی جائے، اووربلنگ پر زیرو ٹالرنس پالیسی جاری رہے گی۔
وفاقی وزیر کا کہنا تھا کہ ڈسکوزکی نااہلی اور غفلت کی سزا شہریوں کو دینا قطعاقبول نہیں، بجلی صارفین کو اوور بلنگ میں ریلیف دینا ترجیح ہے۔
محسن نقوی نے بجلی چوروں کے خلاف بھی کارروائی جاری رکھنے کا حکم دیتے ہوئے کہا کہ بجلی چوری میں ملوث سرکاری عملےکےخلاف بھی بلاتفریق ایکشن لیا جائے۔
وفاقی وزیرداخلہ محسن نقوی کی زیر صدارت ایف آئی اے لاہورزونل آفس میں اجلاس ہوا، جس میں اووربلنگ اور بجلی چوروں کے خلاف کارروائی پر پیش رفت کاجائزہ لیا گیا۔
محسن نقوی نے گزشتہ دورے کےدوران دی گئی ہدایات پرپیشرفت کا جائزہ لیا، اس موقع پر ڈائریکٹرایف آئی اے لاہورسرفراز ورک نے بریفنگ دی۔