قومی ٹیم کے نوجوان فاسٹ بولر نسیم شاہ نے منگنی کی افواہوں پر خاموشی توڑ دی۔
کاؤنٹی کرکٹ کھیلنے میں مصروف قومی ٹیم کے نوجوان فاسٹ بولر نسیم شاہ کے حوالے سے گزشتہ کئی دنوں سے سوشل میڈیا پر یہ خبریں گردش کررہی تھیں کہ ان کی منگنی ہوگئی ہے۔
وائیٹلٹی بلاسٹ کھیلنسیم شاہ نے منگنی کی افواہوں پر خاموشی توڑ دینے میں مصروف نسیم شاہ نے اپنی انسٹاگرام اسٹوری پر منگنی کے بارے میں پھیلی تمام افواہوں کی تردید کردی۔
حال ہی میں نجی ٹی وی سے گفتگو کرتے ہوئے نسیم شاہ نے کہا کہ ’میری منگنی کی تمام افواہیں بالکل غلط ہیں کیونکہ ایسا کچھ نہیں ہوا، مجھے سمجھ نہیں آتی کہ سب میری منگنی یا شادی میں اتنی دلچسپی کیوں رکھتے ہیں؟‘
انہوں نے کہا کہ لوگ کرکٹ میں کھلاڑیوں کی کارکردگی پر توجہ دینے کے بجائے اچانک ان کی شادیوں اور مصروفیات پر کیوں توجہ دینے لگتے ہیں۔
نسیم شاہ نے مداحوں کو مشورہ دیا کہ آپ لوگ ہمیں بس کرکٹ کھیلتا دیکھیں اور اس سے لطف اندوز ہوں، شادی میرا ذاتی معاملہ ہے اور یہ تب ہی ہوگی جب قسمت میں ہوگا۔
یاد رہے کہ نسیم شاہ نے ٹی 20 بلاسٹ میں لیسٹر شائر فاکس کے لیے اب تک چار میچ کھیلے ہیں اور چار وکٹیں حاصل کرچکے ہیں۔