نیشنل بینک میں احتساب عدالت کے اکاؤنٹ سے کروڑوں کی خُردبُرد کا انکشاف

سکھر: نیشنل بینک میں احتساب عدالت کے اکاؤنٹ سے کروڑوں کی خُردبُرد کا انکشاف سامنے آیا ہے، 5 افراد کیخلاف مقدمہ درج کیا گیا ہے۔

تفصیلات کے مطابق نیشنل بینک میں موجود احتساب عدالت کے اکاؤنٹ میں خُردبُرد کرنے والے ملزمان مفرور تھے، کئی ماہ سے مفرور برانچ منیجر سومرو سمیت 5 افراد کیلئے مقدمہ درج کرلیا گیا، ایف آئی اے نے گرفتار ملزم کو گزشتہ دنوں جسمانی ریمانڈ کیلئےعدالت میں پیش کیا۔

ایف آئی اے نے بتایا کہ ملزم سرکاری اداروں کے اکاؤنٹس سے رقم نکال کرخُردبُرد کرتا رہا، ملزم منصور سومرو انکشاف کے بعد بیرون ملک فرار ہوگیا تھا

وفاقی تحقیقاتی ادارے کے حکام نے مزید بتایا کہ ابتدائی تحقیقات میں 27 کروڑ روپے سے زائد رقم خُردبُرد کرنے کے شواہد ملے۔

ایف آئی اے حکام کا کہنا ہے کہ گرفتار ملزم نیشنل بینک ملٹری روڈ برانچ میں تعینات تھا، فراڈ کا کیس برانچ منیجر غلام رضا تالپور کی مدعیت میں درج کیا گیا ہے۔

بینک کے 6 افسران کےخلاف کروڑوں کے فراڈ کامقدمہ درج کیا گیا ہے، مزید تفتیش کیلئے گرفتار ملزم کا جسمانی ریمانڈ حاصل کرلیا گیا۔

https://urdu.arynews.tv/national-bank-currency-notes-with-misprinting-1/